პოსტები ტეგით “GeoKBD”

« წინა პოსტები

GeoKBD & Wordpress

Dec 15 2007

რამდენიმე ადამიანის თხოვნით ჩავატარე გარკვეული ტესტირებები GeoKBD – ს Wordpress – თან ინტეგრაციაზე… მიუხედავად იმისა რომ WP იყენებს TinyMCE – ს ტექსტების ვიზუალური რედაქტირებისათვის აღმოჩნდა რომ GeoKBD – ს ინტეგრირება მაინც ვერ მოხერხდა.

მიზეზი მარტივი აღმოჩნდა ძალიან, Wordpress – ის დეველოპერებს გადაუტვირთიათ გლობალური TinyMCE კლასის მეთოდები რის გამოც პლაგინის ჩატვირთვა ისე აღარ ხდება როგორც ეს ჩვეულებრივ TinyMCE – ს დოკუმენტაციაშია მითითებული.

ამისათვის გავაკეთე პლაგინის განახლება, რომელიც განთავსებულია გუგლის რეპოზიტორიში და შეგიძლიათ გადმოიწეროთ.

რაც შეეხება ინსტალაციას. ეს პროცესი ტრადიციულად მარტივია, გახსენით geokbd-0-2.zip და მის შიგნით არსებული ფაილები გადაიტანეტ ქვემოთ ნაჩვენებ კატალოგში:

/[ROOT]/wp-includes/js/tinymce/plugins/geokbd

ცხადია geokbd კატალოგი წინასწარ უნდა შექმნათ.

შემდეგ გახსენით ფაილი:

/[ROOT]/wp-includes/js/tinymce/tiny_mce_config.php

და მასში მოძებნეთ შემდეგი სტრიქონი: 

$plugins = array('inlinepopups', 'autosave', 'spellchecker', 'paste', 'wordpress');

ეს სტრიქონი დაახლოვებით 28-ე ხაზზეა. შემდეგ გადააკეთეთ იგი შემდეგნაირად:

$plugins = array('inlinepopups', 'autosave', 'spellchecker', 'paste', 'wordpress', 'geokbd');

ანუ პლაგინების ჩამონათვალის მასივში საჭიროა geokbd პლაგინის სახელის მითითება.

სულ ეს არის და ეს :)

ტეგები:

34 კომენტარი »

GeoKBD 0.3.1 – მორიგი გაუმჯობესებები

Nov 26 2007

პირველ რიგში დიდი მადლობა სკრიპტის მომხმარებლებს აღმოჩენილი პრობლემებისა და გაუმჯობესებების შემოთავაზებისათვის!

ეს მცირე განახლება მოიცავს შემდეგ გაუმჯობესებებს:

დაიხვეწა GeoKBD.map() მეთოდის გამოყენების მექანიზმი და აგრეთვე გაფართოვდა მისი შესაძლებლობი.

  • ამ მეთოდის გამოყენება შეიძლება უპარამეტროდ, კერძოდ კი თუ მას არ გადავცემთ არცერთ პარამეტრს, კლავიატურის მიბმა მოხდება დოკუმენტში არსებული ყველა ფორმის ყველა ტექსტურ ველზე. ამის მისაღწევად საკმარისია შემდეგი კონსტრუქცია: 
        GeoKBD.map();
  • მეთოდს პირველ პარამეტრად შეგვიძლია გადავცეთ არა უბრალოდ ფორმის სახელი სტრიქონის მეშვეობით, არამედ ფორმის დასახელებების მასივი: 
        GeoKBD.map(['my_form_1', 'my_form_2']);

    ეს შესაძლებლობა თავიდან აგვარიდებს დამატებითი კოდის წერის აუცილებლობას, რადგან ზემოთ ნაჩვენები შედეგის მისაღწევად აქამდე საჭირო იყო მსგავსი კონსტრუქციის გამოყენება:

        GeoKBD.map('my_form_1');
    GeoKBD.map('my_form_2');
  • დაიფიქსა შეცდომა როდესაც პარამეტრად გადაცემული ფორმის არ არსებობის შემთხვევაში სკრიპტი აგდებდა შეცდომებს;
  • დაიფიქსა WYSIWYG რედაქტორებზე მიბმის დროს აღმოჩენილი შეცდომა Alt და Ctrl კლავიშებთან დაკავშირებით. ამჯერად ეს კლავიშები მუშაობს;

ამ შეცდომების აღმოჩენისათვის განასკუთრებულ მადლობას ვუხდი Rocko – ს და ლევანჩოს :)

ტეგები:

42 კომენტარი »

GeoKBD – TinyMCE Dedicated Plugin 0.1

Nov 20 2007

tinymce.gif მაშ ასე, ვაგრძელებ GeoKBD – სთან თამაშს :) ამჯერად შევქმენი ცნობილი WYSIWYG რედაქტორის TinyMCE – ს პლაგინი. მართალია GeoKBD – ს მასზე მიბმა არ წარმოადგენს არც პლაგინის გარეშე პრობლემას, მაგრამ როგორც ჩანს პლაგინის არსებობა გარკვეულწილად უფრო კომფორტულს ხდის ამ სკრიპტის მოხმარებადობას.

პლაგინის დაარქივებული ვერსიის გადმოწერა შესაძლებელია SVN რეპოზიტორიდან.

რაც შეეხება ინსტალაციას… სრულად »

ტეგები: ,

49 კომენტარი »

GeoKBD 0.3 – Rich Editor Support Completed!

Nov 19 2007

ამჯერად WYSIWYG რედაქტორების მხარდაჭერა რეალიზებულია IE6/7 – ისათვის, შედარებით მახინჯი გამოსავალის მოძებნა გახდა ამისათვის საჭირო, თუმცა ეს არ არის ამ ეტაპზე მთავარი. ამიერიდან GeoKBD – ს ინტეგრაცია თავისუფლად შესაძლებელია WYSIWYG ტიპის რედაქტორებთან. მაგალითები შეგიძლიათ იხილოთ ამ გვერდზე.

ასევე ამ რელიზში შესულია კიდევ ერთი გაუმჯობესება, ქართული კლავიატურის ჩართვა გამორთვისათვის უბრალოდ საკმარისია “~” ღილაკის გამოყენება, ე.წ. checkbox ელემენტი საჭირო აღარ არის, თუმცა მისი გამოყენება კვლავ შეიძლება და სკრიპტს მუშაობაში ხელს არ უშლის.

განახლებული ვერსიის გადმოწერა შეგიძლია SVN – იდან

ტეგები: ,

7 კომენტარი »

GeoKBD 0.2.2 – Rich Editor Support Improvements

Nov 18 2007

მორიგი განახლება მოიცავს შემდეგ გაუმჯობესებებს:

  • იმისათვის რათა მოხდეს ედიტორზე ქართული კლავიატურის მიბმა, აღარ არის საჭირო window ობიექტის onload ხდომილების გამოყენება.

    ნაცვლად ასეთი კონსტრუქციისა:

    window.onload = function() {
    GeoKBD.mapIFrame('elm1_ifr');
}

    უკვე საკმარისია მსგავსი კონსტრუქცია:

    GeoKBD.mapIFrame('elm1_ifr');
  • გარკვეულ შემთხვევბში მხოლოდ ედიტორის iframe ელემენტის იდენტიფიკატორის მითითება არ არის საკმარისი. ამიტომ mapIFrame() მეთოდს პირველ პარამეტრად შეგვიძლია გადავცეთ არა უბრალოდ იდენტიფიკატორი, არამედ ე.წ. callback ფუნქცია. მაგალითად FckEditor – ის ქართულ კლავიატურაზე მისაბმელად საჭიროა შემდეგი კონსტრუქცია:
    GeoKBD.mapIFrame(function() {
   var _el = null;
   if (_el = document.getElementById('FCKeditor1___Frame')) {
       return _el.contentDocument.getElementsByTagName('iframe')[0];
   }
});

    ეს საჭიროა გამომდინარე იქედან რომ FckEditor – ი iframe – ს შიგნით კიდევ ერთ iframe ელემენტს იყენებს.. თუმცა ნებისმიერ სპეციალურ შემთხვევაში callback ფუნქცია ძალიან სასარგებლოდ შეიძლება იქნას გამოყენებული…

  • დაიფიქსა ჩვეულებრივი ფორმის ელემენტების მიბმის პატარა პრობლემა რომელიც ელემენტის type ატრიბუტის არარსებობის შემთხვევაში გვხდებოდა
  • wysiwyg ედიტორთან მუშაობის დროს შესაძლებელია ქართულის ჩართვა/გამორთვა “~” კლავიშის მეშვეობით

სკრიპტის განახლებული ვერსია შესაძლებელია გადაიწეროთ SVN რეპოზიტორიდან.

ტეგები:

1 კომენტარი »

GeoKBD 0.2.1 – Rich Editor Support

Nov 17 2007

GeoKBD – ს მორიგი განახლება მოიცავს ე.წ. Rich Editor(wysiwyg) – ინტეგრაციას, ამჯერად მისი მეშვეობით შესაძლებელია ნებისმიერ ასეთ ედიტორში ქართულად წერა.

მართალია ჯერ ნედლი და დაუხვეწავი გადაწყვეტაა მაგრამ მთავარია მუშაობს. განახლების გადაწერა ცხადია შესაძლებელია SVN რეპოზიტორიდან.

ამჯერად სკრიპტი გატესტილია შემდეგ ბრაუზერებში:

  • Safari Mac OS X
  • Opera
  • Mozilla FireFox

სკრიპტს დაემატა ერთი ახალი მეთოდი mapIFrame რომლის მეშვეობითაც შეძლებთ ედიტორში ქართულად წერის შესაძლებლობის რეალიზაციას.
მისი მიბმა ედიტორზე შეგიძლიათ განახორციელოდ შემდეგი ჯავასკრიპტ კონსტრუქციით:

window.onload = function() {
	GeoKBD.mapIFrame('myEditorId');
        //სადაც 'myEditorId თქვენი კომპონენტის იდენტიფიკატორია!
}

არსებული მუშა მაგალითი შესაძლებელია იხილოთ ამ მისამართზე.

P.S.
ექსპერიმენტის სახით მოვსინჯე და GeoKBD ავამუშავე TinyMCE – სთან.

ტეგები: ,

3 კომენტარი »

« წინა პოსტები