პოსტები ტეგით “JavaScript”

« წინა პოსტები
ახალი პოსტები »

jQuery – მორიგი დიდი აღიარება 2

Sep 28 2008

თითქმის ერთი წელი გავიდა მას შემდეგ რაც jQuery – ს დიდ აღიარებაზე დავპოსტე. ამ JavaScript ბიბლიოთეკას ჩემი ადვოკატობა ნამდვილად არ ესაჭიროება, მაგრამ, ამჯერად მისი აღიარების ძალიან მნიშვნელოვან ფაქტს აქვს ადგილი და არ შემიძლია არ დავწერო :)

jQuery – ს ოფიციალურ ბლოგზე ბოლო პოსტი ამ ღირსშესანიშნავ მოვლენას ეძღვნება: jQuery, Microsoft, and Nokia

Microsoft თავის ცნობილ ASP.NET Ajax ფრეიმვორკს სწორედ jQuery – თი გააფართოვებს და იგი გავრცელდება ვიჟუალ სტუდიოსთან ერთად. Nokia კი თავის Web Run-Time – ს გაამდიდრებს ამ ბიბლიოთეკით.

ასევე ამ თემას ეხება და ძალიან საინტერესოა GWTQuery(jQuery – ის მსგავსი იმპლემენტაცია) რომელიც GWT – ს ბოლო რელიზის პრეზენტაციის დროს აშკარად აქცენტირებული იყო :)

მანამდე რომ YUI – შიც დაამატეს ე.წ “query selector” – ის იმპლემენტაცია მაგაზე აღარაფერს ვამბობ… მთავარი ერთია, რომ ის მიდგომა რომელიც შეიმუშავა ჯონ რეზიგმა, დომინანტი აღმოჩნდა დღევანდელ JavaScript ბიბლიოთეკების გადატვირთულ ბაზარზე. არადა როგორ მწარედ მახსოვს რამდენჯერ მიკამათია მწარედ როგორც .Net – ის, ასევე GWT – სა და YUI – ს თაყვანისმცემლებთან jQuery – ის უპირატესობაზე… მაგრამ უშედეგოდ :D თუმცა როგორც იტყვიან აღდგომა და ხვალეო, დრომ ყველაფერი დაამტკიცა და თავის ადგილზე დააყენა…

Long Live jQuery :D

ტეგები: , ,

14 კომენტარი »

საინტერესო JavaScript ტესტი meebo.com – ზე

Jul 23 2008

ეხლახანს meebo.com – ზე შევიარე, და რატომღაც ვაკანსიების განყოფილებას გადავხედე, დამაინტერესა რა პოზიციებზე აქვს ვაკანსიები ამ კომპანიას… ერთერთი აღმოჩნდა javascript engineer (javascript ninja) და რატომღაც გადავხედე :P

პოსტში, ვაკანსიის აღწერის გარდა მითითებულია რამდენიმე JavaScript – თან დაკავშირებული შეკითხვა, და შევეცადე პასუხები გამეცა, ჩემის აზრით ეს დაგაინტერესებთ სრულად »

ტეგები: ,

3 კომენტარი »

IE6: მეხსიერების მენეჯმენტი და საინტერესო გამოსავალი

Mar 12 2008

ამ ბოლო დროს საკმაოდ ბევრს ვმუშაობა IE6 – ის მეხსიერებასთან დაკავშირებულ პრობლემებზე ე.წ. “memory leaks”. გამოცდილი JavaScript(უფრო სწორად JScript IE – ს კონტექსტში) დეველოპერებისათვის ეს პრობლემა უცხო არ არის. იმაზე ლაპარაკი თუ რატომ არსებობს ეს პრობლემა შორს წაგვიყვანს, ამიტომ კონკრეტული პრობლემის აღწერითა და მოძებნილი გამოსავალით შემოვიფარგლები.

მიუხედავად იმისა, რომ მეხსიერებასთან დაკავშირებული გაუგებრობების თავიდან ასაცილებლად არსებობს გარკვეული წესები რომლებიც აუცილებლად უნდა დავიცვათ, მაინც ჩემის აზრით ძალიან უცნაურ პრობლემას და შესაბამისად გამოსავალს წავაწყდი.

ჩემი ამოცანა იყო გამეკეთებინა ისეთი ტეგი, რომელზეც მაუსით დაწკაპუნებისას იგი გარდაიქმნებოდა ტექსტურ ველად, რათა შესაძლებელი გამხდარიყო ამ ტეგის შიგთავსის რედაქტირება (იხ. მაგალითი). სრულად »

ტეგები: ,

3 კომენტარი »

JavaScript ფაილების ჩატვირთვა საჭიროების მიხედვით

Mar 08 2008

თანამედროვე ე.წ. RIA ვებ აპლიკაციებში, კლიენტის მხარეს განსაკუთრებული და საპასუხისმგებლო როლი აკისრია. სწორედ კლიენტის მხარეს იყრის თავს უამრავი CSS/JavaScript და სხვადასხვა გრაფიკული ელემენტები. RIA ტიპისი სისტემებში JavaScript – ს განსაკუთრებული როლი უჭირავს, რადგან სწორედ მისი მეშვეობით მიიღწევა აპლიკაციის განსაკუთრებული და მიმზიდველი ინტერქატიულობა. რაც უფრო მეტად არის დატვირთული მსგავსი ტიპის ელემენტებით აპლიკაცია მით უფრო მეტ რესურსს საჭიროებს იგი.

ერთი შეხედვით ამ ტიპის რესურსები(იგულისხმება ფაილების რაოდენობა, ზომა და ა.შ.) არ უნდა იწვედნენ განსაკუთრებულ სირთულეს, არც ჩატვირთვისა და არც სისწრაფის მიხედვით… თუმცა ეს მხოლოდ ერთი შეხედვით ჩანს ასე.

Yahoo! – ს ინჟინრებმა საკმაოდ საფუძვლიანი კვლევა ჩაატარეს ამ თემასთან დაკავშირებით და აღმოჩნდა რომ სერვერის გადატვირთვას სწორედ, დოკუმენტში ჭარბად გამოყენებული მსგავსი ელემენტები იწვევენ. გარდა სერვერის დატვირთვისა ეს თავისთავად ცხადია უარყოფითად აისახება თავად აპლიკაციის მომხმარებლებზე(ჩატვირთვის სისწრაფე, კოდის შესრულების/ინტერპრეტაციის დრო). სრულად »

ტეგები: , ,

4 კომენტარი »

IE vs W3C event handling

Mar 05 2008

ივენთები საკმაოდ პრობლემატური საკითხია თანამედროვე JavaScript პროგრამირებაში, რაც ცალსახად გამოწვეულია ყველასათვის კარგად ცნობილი და “საყვარელი” InternetExplorer – ის გამო. პრინციპში ძალიან ცოტაა ისეთი შემთხვევები როდესაც ამ პრობლემაზე გვერდის ავლა არ შეიძლება მარტივად, თუმცა ასევე არსებობს შემთხვევები როდესაც ეს არათავსებოდა ძალიან არასასიამოვნოდ იჩენს ხოლმე თავს.

მიუხედავად იმისა, რომ, W3C – ს მიერ საკმაოდ მკაფიოდ არის ჩამოყალიბებული ივენთ მენეჯმენტის მოდელი, IE როგორც სხვა, ასევე ამ შემთხვევაშიც მოწოდების სიმაღლეზეა და თავის განსაკუთრებულ და “უფრო სწორ” მიდგომას გვთავაზობს, რაც საბოლოო ჯამში იწვევს ორმაგი(მინიმუმ) კოდის წერის აუცილებლობას. სრულად »

ტეგები: ,

4 კომენტარი »

Ajax: HTML ფორმის სერიალიზაცია POST რიქვესტისთვის

Dec 05 2007

ვაგრძელებ სერიალიზაციის თემას, და ამჯერად შევეხები HTML ფორმის სერიალიზაციას. HTML ფორმის სერიალიზაციაში იგულისხმება მისი ველების სახელებისა და მნიშვნელობების ჩვეულებრივ პარამეტრი/მნიშვნელობა(parameter/value) სტრიქონში გადაყვანა. ეს ფორმატი ყველასთვის კარგად არის ცნობილი და მას აქვს ტრადიცულად შემდეგი სახე:

param1=value1&param2=value2&param3=value3

ანუ პარამეტრი/მნიშვნელობა წყვილების ერთობლიობა, სადაც წყვილის გამოყოფად გამოიყენება & სიმბოლო.

რა საჭიროა ფორმის ველებისა და მნიშნველობების ასეთი ფორმატში გადაყვანა? ეს მნიშვნელოვანი და აუცილებელია XMLHttpRequest (XHR) კონტექსტში. ცნობილია რომ ე.წ. “Ajax” აპლიკაციებში ფართოდ სწორედ ეს ობიექტი გამოიყენება, და უშუალოდ მისი მეშვეობით ხორციელდება ასინქრონული რიქვესტები(მოთხოვნები?) სერვერზე. გამომდინარე იქედან რომ XHR სერვერვთან კომუნიკაციისათვის იყენებს ჩვეულებრივ HTTP პროტოკოლს, მისი მეშვეობით სევერზე მონაცემების გაგზავნა შეგვიძლია ტრადიციულად ან POST ან GET მეთოდით.

ცნობილია რომ GET მეთოდის გამოყენება რეკომენდირებულია ისეთ შემთხვევაში, როდესაც სერვერზე გასაგზავნი ინფორმაცია არის ძალიან მცირე. რადგან ამ მეთოდის გამოყენებისას სერვერზე გასაგზავნი ყველა პარამეტრი იგზავნება URI – ს მეშვეობით ცხადია რომ გარკვეული შეზღუდვა ინფორმაციის ზომაზე არსებობს.

რაც შეეხება POST მეთოდს, იგი გამოიყენება ისეთ შემთხვევაში როდესაც სერვერზე გასაგზავნი ინფორმაციის ოდენობა არის დიდი. გამომდინარე იქედან რომ GET მეთოდისაგან განსხვავებით ამ ინფორმაციის გაგზავნა სერვერზე ხდება არა URI – ს მეშვეობით არამედ ის იდება უშუალოდ HTTP – ს ტანში ეს შეზღუდვა გარკვეულწილად იხსენბა.

ტრადიციული გზით(იგულისხმება XHR – ის გარეშე) ფორმის სერვერზე გაგზავნის შემთხვევაში ზემოთთქმული ხორციელდება ავტომატურად, ბრაუზერის მიერ. თუმცა XHR – ს მსგავსი რამ არ შეუძლია და ასეთ შემთხვევაში პარამეტრების შესაბამისი მომზადება და ობიექტის მეთოდებისათვის მათი გადაცემის პასუხისმგელობა მთლიანად პროგრამისტს ეკისრება. სრულად »

ტეგები: ,

11 კომენტარი »

« წინა პოსტები
ახალი პოსტები »