აღესრულა! დღეს დილიდან ლაშამ ძალიან კარგი ამბავი შემატყობინა, ჩვენმა აპლიკაციამ Apple – ს კაბალური შემოწმების პროცესი წარმატებით გაიარა და დღეიდან უკვე LinGEO ოფიციალურად არის დამატებული Apple AppStore – ში, შესაბამისად ვისაც გაქვთ iTunes ანგარიში თამამად შეგიძლიათ გადმოწეროთ აპლიკაცია და დააინსტალიროთ თქვენს iPhone – ზე. კიდევ ერთხელ განასკუთრებული მადლობა ლაშას აპლიკაციის დასრულებისა და მისი გაუმჯობესებისათვის, ასევე იმ რთული პროცესის წარმატებით გავლისათვის რასაც აპლიკაციის AppStore – ში განთავსებას ახლავს თან! ასევე დიდი მადლობა Toto – ს შესანიშნავი რჩევებისა და გაუმჯობესებებისათვის და გიორგი(Flyer) კვიჟინაძეს ლოგოს შექმნისათვის!
პოსტები ტეგით “LinGEO”
LinGEO – Now on iTunes!
Sep
26
2009
ტეგები: Apple, LinGEO, Objective-C/Cocoa
LinGEO ინგლისურ/ქართული ლექსიკონი iPhone – სთვის
Sep
22
2009
როგორც იქნა ერთ წლიანი პაუზის შემდეგ ჩემს მიერ დაწყებულმა და შემდგომ მიტოვებულმა პროექტმა – LinGEO შეიძინა პროდუქტის სახე და ახლა უკვე მომხმარებლებს შეუძლიათ მისით სარგებლობა.
პირველად ეს პროექტი გავახმაური ერთი წლის წინ როდესაც მას ჯერ კიდევ ერქვა LinGO, მას შემდეგ ვეღარ გამოვნახე შესაბამისი რესურსი რომ მიმეყვანა ეს პროექტი ბოლომდე. სულ ახლახანს როდესაც კვლავ გადავწყვიტე აქტიური ბლოგერობა და ზოგადად ოპენ სორს პროექტებზე მუშაობის გაგრძელება, გავხსენი ამ პროექტის საწყისი კოდიც(იხ. LinGEO on GitHUB). ამის მიზეზი ერთის მხრივ იყო ჩემი სურვლი რომ დამესრულებინა პროექტი, ხოლო მეორეს მხრივ ჩემი კოლეგისა და მეგობრის ლაშა დოლიძის დაინტერესება.
კოდის გახსნიდან სულ რაღაც სამი კვირის შემდეგ სახეზე გვაქვს უკვე დასრულებული პროექტი. ამისათვის განსაკუთრებულ მადლობას ვუხდი ლაშას რომლის უშუალო დამსახურებაც არის ამ პროექტის საბოლოო პროდუქტად ქცევა. გარდა უმნიშვნელოვანესი პროგრამული დეტალების დახვეწისა მან განათავსა პროდქუტი Apple – ს App Store – ში(პროგრამა ამჯერად მოლოდინის რეჟიმშია და ველით დასტურს), ასევე შექმნა Cydia – ს რეპოზიტორი არაოფიციალური iPhone – ს მომხმარებელთათვის.
ასევე მინდა მადლობა გადავუხადო Toto – ს შესანიშნავი კომენტარებისა და შენიშნვებისათვის რომელიც გააკეთა ამ პროდუქტთან დაკავშირებით.
ტეგები: Apple, LinGEO, LinGO, Mac OS X, Objective-C/Cocoa
Code.ge redesign… And I’m back B-)
Sep
08
2009
მოკლედ მოგესალმებით ყველას! ძალიან დიდი ხანია მინდოდა ამ პოსტის დაწერა თუმცა გარკვეულ მიზეზთა გამო შინაგანმა წინააღმდეგობის გრძნობამ ეს სურვილი ჩაკლა.
ჯერ კიდევ ორიოდე კვირის წინ ბლოგის დახურვასა და მის გაუქმებას ვაპირებდი, თუმცა ეს უაზრო სურვილი დავძლიე და შევეცდები განახლებული ენერგიით განვაგრძო წერა! ამისათვის განსაკუთრებული მადლობა მინდა გადავუხადო რამდენიმე ადამიანს(არ ჩამოვთვლი მათ სახელებს თვითონ მიხვდებით ვისაც გგულისხმობთ). ასევე დიდი მადლობა მინდა გადავუხადო იმ ადამიანებს რომლებიც ამ ბლოგით ჯერ კიდევ სარგებლობენ და აქ თავმოყრილი ინფორმაციითა და ჩემი პატარა ნამუშევრებით სარგებლობენ. ასევე დიდი ბოდიში მინდა მოვუხადო ყველა ჩემი მხირდან უპასუხოდ დატოვებული კომენტარის ავტორს.
პირველი ეტაპისთვის გამოვნახე დრო და გავაკეთე ბლოგის გარეგანი იერსახის სრული ცვლილება რომელიც ალბათ უკვე თვალში მოგხვდათ 
გარდა ამისა მომზადებული მაქვს მთელი რიგი განახლებები ქართული კლავიატურის სკრიპტისთვის და სხვა თაროზე შემოდებული პროექტებისთვის რომლებსაც მალე გამოვფენ.
პირველ რიგში დღეს გავაოფენსორსე(როგორი ქართულია? ) LinGO ინგლისურ ქართული ლექსიკონი iPhone – სთვის რომელიც ხელმისაწვდომია GitHUB – ზე. ეს მინი პროექტი აუცილებლად მიიღებს დასრულებულ სახეს რადგან დღეიდან მასში მონაწილეობას მიიღებს ორი გამოცდილი Mac (და არა მარტო) დეველოპერი – ლაშა დოლიძე და ირაკლი ნადარეიშვილი! დიდი მადლობა ორივეს მხარდაჭერისა და ამ პროექტში მონაწილეობის სურვილისათვის.
სხვა სიახლეებსა და შეძლებისდაგვარად სასარგებლო ნამუშევრების შესახებ სულ მალე შეიტყობთ ამ ბლოგის მეშვეობით.
მაშ ასე I’m Back B-)
LinGO – ინგლისურ/ქართული ლექსიკონი iPhone – სთვის
Aug
05
2008
რამდენიმე დღით ქალაქიდან ვიყავი გასული, და როგორც იქნა მოვიცალე iPhone SDK – სთვის. რამდენიმე დღიანი ექსპერიმენტების შემდეგ პირველი რეალური აპლიკაცია შევქმენი 
ძალიან აზარტული პროცესი აღმოჩნდა iPhone – სთვის წერა. მართალია iPhone SDK არ იძლევა აპლიკაციების წერის ისეთ კომფორტს როგორც ეს ჩვეულებრივი Mac OS X – ისთვის წერის დროს გვაქვს, მაგრამ თუ დამიჯერებთ მაინც საკმაოდ სასიამოვნო პროცესი აღმოჩნდა
ამჯერად არ შეგაწყენთ თავს Objective-C – ს და Cocoa Touch – ის დეტალებზე საუბრით. თუმცა ეს ძალიან საინტერესო თემაა და იმედია გამოვნახავ დროს და ამ თემის ირგვლივ შეძლებისდაგვარად საინტერესო პოსტებს შემოგთავაზებთ.
რაც შეეხება პროდუქტს იგი ფუნქციონალურად აბსოლუტურად გამართულია, არ აღენიშნება ბაგები და მუშაობს სტაბილურად. უახლოვეს დღეებში, როდესაც ისევ მოვიცლი, აუცილებლად დავდებ მისი ინსტალაციის ინსტრუქციას.
ჯერჯერობით მხოლოდ iPhone – ს სიმულატორშია გატესტილი, მე კი სამწუახაროდ iPhone – ზე ოპერაციული სისტემის 1.3 ვერსია მიყენია. iPhone SDK კი მხოლოდ ოპერაციული სისტემის 2.0 ვერსიას ითვალისწინებს 
ამიტომ როგორც კი შევძლებ ტელეფონზე რეალური ტესტირების ჩატარებას, მაშინათვე ხელმისაწვდომს გავხდი ამ პროდუქტს.
მანამდე კი შეგიძლიათ ეს სურათები დაათვალიეროთ და გამიზიაროთ თქვენი მოსაზრებები
ტეგები: iPhone, LinGEO, LinGO, Objective-C/Cocoa