Code.ge Blog » Uncategorized http://www.code.ge ბლოგი ვებ პროგრამირებისა და ტექნოლოგიების შესახებ Mon, 03 May 2010 14:38:57 +0000 en hourly 1 http://wordpress.org/?v=3.0 ქართული ტერმინოლოგია – დილემა http://www.code.ge/posts/%e1%83%a5%e1%83%90%e1%83%a0%e1%83%97%e1%83%a3%e1%83%9a%e1%83%98-%e1%83%a2%e1%83%94%e1%83%a0%e1%83%9b%e1%83%98%e1%83%9c%e1%83%9d%e1%83%9a%e1%83%9d%e1%83%92%e1%83%98%e1%83%90-%e1%83%93%e1%83%98 http://www.code.ge/posts/%e1%83%a5%e1%83%90%e1%83%a0%e1%83%97%e1%83%a3%e1%83%9a%e1%83%98-%e1%83%a2%e1%83%94%e1%83%a0%e1%83%9b%e1%83%98%e1%83%9c%e1%83%9d%e1%83%9a%e1%83%9d%e1%83%92%e1%83%98%e1%83%90-%e1%83%93%e1%83%98#comments Mon, 08 Jun 2009 06:56:21 +0000 იოსები http://www.code.ge/?p=268 მინდა გაგიზიაროთ ჩემი გულისტკივიული ინფორმაციული ტექნოლოგიების სფეროში არსებული ქართული ტექნიკური ტერმინოლოგიის შესახებ რომელმაც ბოლო კვირების მანძილზე არცთუ ცოტა დრო წამართვა და შეიძლება ითქვას ჩემი მცდელობები მთელი რიგი ტერმინებისა თუ ფრაზების ქართულად თარგმნასთან დაკავშირებით სრული კრახით დასრულდა.

პრობლემა თავისთავად რთულია და ერთის მხრივ შესაძლებელია რომ ამ პრობლემას ჩემი მხრიდან ქართულის არასათანადო ცოდნაც ამძაფრებს… მაგრამ… ეგება ვინმემ მიმითითოს ავტორიტეტულ წყაროზე ან ჯგუფზე ვინც ამ ტერმინების თარგმნით არის დაკავებული? კი ვიცი რომ ითარგმნება მთელი რიგი პროგრამული პაკეტები არსებობს გაქართულების ჯგუფები და ა.შ. მაგრამ მოდით რეალურად შევხედოთ პრობლემას. ერთია როდესაც თარგმნი “checkbox” – ს და მას არქმევ თოლიას(ჩემთვის სრულიად წარმოუდგენელი თარგმანია და ალბათ შინაგანად ვერასოდეს დავძლევ ბარიერს და ვერ გამოვიყენებ ამ ტერმინს), მაგრამ, მეორეა როდესაც უნდა თარგმნო ამ სფეროში დამკვიდრებული ისეთი სიტყვები და ფრაზები რომლებსაც განსაკუთრებული მნიშნველობა აქვთ შეძენილი კონტექსტიდან გამომდინარე.

ქვემოთ ჩამოვწერ ჩემის აზრით პრობლემურ სიტყებსა და ფრაზებს და ძალიან მოხარული ვიქნები თუ მცირედიც მაინც დამეხმარებით მათ თარგმნაში.

ჩემს შემთხვევაში პირველი და ყველაზე მნიშნველოვანი ფრაზა რის თარგმნასაც რამდენიმე წელია ვცდილობ და ვერაფრით ვერ მოვახერხე არის Content Management System(CMS). CMS – ის თარგმნა რამდენჯერმე ვთხოვე ქართულის ჩემზე გაცილებით უკეთ მცოდნე პიროვნებებს… თუმცა რა შედეგი მივიღე? არაფერი! და რატომ? პირველ რიგში Content – ის თარგმანის სავარაუდო ვარიანტებია “შინაარსი, შიგთავსი, არსი და ა.შ.” როგორც არ უნდა ვუტრიალოთ ამ სიტყვის ასეთი თარგმანი აბსოლუტურად არაფერს არ გვაძლევს, და რატომ? იმიტომ რომ კონკრეტულად “Content Management System” – ის კონტექსტში ეს სიტყვა მოიცავს გაცილებით მეტს ვიდრე უბრალოდ შინაარსს, კერძოდ კი კონტენტი ეს არის კომპლექსური მონაცემის ტიპი რომელსაც გააჩნია აზრი(meaning) და კონტექსტი. პირობით მაგალითად რომ განვიხილოთ ამ ბლოგის პოსტები, აღმოვაჩენთ რომ თითეულ ბლოგ პოსტს გარდა თავად პოსტისა გააჩნია სხვადასხვა ატრიბუტები(სათაური, გამოქვეყნების დრო, კატეგორა/კატეგორიები(შეიძლება განვიხილოთ როგორც კონტექსტი), ავტორი და ა.შ. გამომდინარე აქედან ბლოგ პოსტი ზოგადად არის სპეციფიური კონტენტის ტიპი. ახლა ისმის კითხვა შესაძლებელია რომ ცალკეულ ბლოგ პოსტს ვუწოდოთ მარტივად შინაარსი ან შიგთავსი? არ ვიცი მე პირადად ვერანაირ ასოცირებას ვერ ვახერხებ კონტენტთან… თუ ვცდები შემისწორედ ამით ძალიან გამახარებთ…

და რა მოხდება თუ წერისას ან საუბრისას უბრალოდ გამოვიყენებთ ფრაზას “კონტენტის მენეჯმენტის სისტემა”? რა დაშავდება ამითი? ხომ არ ჯობია თარგმნის ნაცვლად თამამად გამოვიყენოთ ასეთი პრობლემური სიტყვები/ფრაზები რომლებმაც ინდუსტრიაში გარკვეული გავრცელება ჰპოვა და სპეციფიური დატვირთავა შეიძინა? თუ ამ საკითხთან დაკავშირებით გაგიჩნდებათ პროტესტის გრძნობა, აბა მითხარით როგორ გადათარგმნით “Enterprise Java Beans(EJB)”? არა მითხრას ვინმემ? ვთარგმნოთ პირდაპირ? და იცით რას მივიღებთ?

Enterprise Java Beans(EJB) – საწარმოო ყავის მარცვლები აი ვინმემ მითხრას ახლა რა შუაშია საწარმოო ყავის მარცვლები?

თუ წინა ორი მაგალითი არ არის საკმარისი აბა სცადეთ თარგმნოთ “widget“, ძალიან მაინტერესებს როგორ უნდა ითარგმნოს ეს სიტყვა რომელიც ვების კონტექსტში შეიძლება განვმარტოთ როგორც – Interactive mini application that delivers content and functionality to the user. თუმცა კონტექსტიდან გამომდინარე ვიჯეტს სხვა განმარტებებიც გააჩნია…

მოკლედ ეს არის ის მცირედი რაც დღეს შემიძლია ვთქვა, თუმცა შეძლებისდაგვარად შევეცდები უფრო მეტი დავწერო ამ საკითხის ირგვლივ. იმედი მაქვს ამ ტკივილს გარკვეული რჩევებით გამიქარწყლებთ :)

]]> http://www.code.ge/posts/%e1%83%a5%e1%83%90%e1%83%a0%e1%83%97%e1%83%a3%e1%83%9a%e1%83%98-%e1%83%a2%e1%83%94%e1%83%a0%e1%83%9b%e1%83%98%e1%83%9c%e1%83%9d%e1%83%9a%e1%83%9d%e1%83%92%e1%83%98%e1%83%90-%e1%83%93%e1%83%98/feed 21 YouTube EDU და ბევრი საინტერესო მასალა პროგრამისტებისათვის http://www.code.ge/posts/youtube-edu-%e1%83%93%e1%83%90-%e1%83%91%e1%83%94%e1%83%95%e1%83%a0%e1%83%98-%e1%83%a1%e1%83%90%e1%83%98%e1%83%9c%e1%83%a2%e1%83%94%e1%83%a0%e1%83%94%e1%83%a1%e1%83%9d-%e1%83%9b%e1%83%90%e1%83%a1 http://www.code.ge/posts/youtube-edu-%e1%83%93%e1%83%90-%e1%83%91%e1%83%94%e1%83%95%e1%83%a0%e1%83%98-%e1%83%a1%e1%83%90%e1%83%98%e1%83%9c%e1%83%a2%e1%83%94%e1%83%a0%e1%83%94%e1%83%a1%e1%83%9d-%e1%83%9b%e1%83%90%e1%83%a1#comments Fri, 27 Mar 2009 17:28:07 +0000 იოსები http://www.code.ge/?p=213 youtubeedu-215x53 დღეს YouTube – მ დასტარტა ახალი სევერისი YouTube EDU. ეს არის შესანიშნავი საგანმანათლებლო რესურსი რომელზეც უკვე შესაძლებელია არაერთი შესანიშნავი ლექციისა თუ ლექციების კურსის ნახვა.

ძალიან გამეხარდა და მომეწონა რომ აღნიშნულ რესურსზე წარმოდგენილია ისეთი მოწინავე ტექნოლოგიური უნივერსიტეტების სასწავლო მასალა როგორიც არის მაგ. MIT.

ძალიან დიდი დრო არ დამიხარჯავს, თუმცა მოვასწარი MIT – ის გვერდზე განთავსებული კურსის MIT 6.046J / 18.410J Introduction to Algorithms (SMA 5503) პირველი ლექციის მოსმენა და მინდა გითხრათ რომ უსაზღვროდ მომეწონა. საოცარი ლექტორია საოცარი გადმოცემის უნარითა და ლექციის წაყვანის მანერით.

გარდა მაგ კურსისა თუ დაძებნით სხვა უამრავ საინტერესო მასალასაც მიაგნებთ.

enjoy :)

]]> http://www.code.ge/posts/youtube-edu-%e1%83%93%e1%83%90-%e1%83%91%e1%83%94%e1%83%95%e1%83%a0%e1%83%98-%e1%83%a1%e1%83%90%e1%83%98%e1%83%9c%e1%83%a2%e1%83%94%e1%83%a0%e1%83%94%e1%83%a1%e1%83%9d-%e1%83%9b%e1%83%90%e1%83%a1/feed 9 საინტერესო ვაკანსია jobs.ge – ზე :D http://www.code.ge/posts/interesting-job-offer http://www.code.ge/posts/interesting-job-offer#comments Sun, 22 Mar 2009 10:18:59 +0000 იოსები http://www.code.ge/?p=209 მიუხედავად იმისა რომ სამსახურს არ ვეძებ მაინც საკმაოდ ხშირად ვსტუმრობ jobs.ge – ს. ამას მარტივი მიზეზი აქვს, მაინტერესებს თუ რა ტიპისა და რანგის ვაკანსიებია ინფორმაციული ტექნოლოგიების სფეროში. თუმცა ზოგჯერ მართლა გასაოცარ მარგალიტს შეიძლება წააწყდე :D

მოკლედ ერთ ასეთ ვაკანსიას წავაწყდი დღეს:

IBS (Integrated Business Solutions) is a Georgian official business partner of 1C and business partner of 1C-bitrix, the software business firm offering automated business systems. IBS is pleased to announce a vacancy for for the full-time position of Web Programmer/Designer.

Responsibilities:

** Learn 1C-bitrix software solutions
** Prepare the sites in compliance with 1C-bitrix and according to the client demand
** Carry out all duties defined by the Manager on time.

Requirements:

** Relevant higher education (preferably in web design field)
** At least 6 months work experience as a Web Programmer/Designer
** Knowledge of the following program languages: HTML, GSS, JavaScript, PHP, Ajax, Asp.Net
** Excellent knowledge of Russian language (ability to analyze Russian texts and strong knowledge of spoken Russian)
** English language knowledge is desirable
** Strong sense of responsibility, organized person
** Programming skills
** Ability to work in a team
** Time management skills.

მისამართი: http://www.jobs.ge/17376/

რითი მიიქცია ამ ვაკანსიამ ყურადღება? :D ჩამოთვლილი პუნქტებიდან ორმა ფრიად მომხიბლა:

** Relevant higher education (preferably in web design field)

ისა რომელ უმაღლესში ასწავლიან ამას? :D შეიძლება ასწავლიან და არ ვიცი თუ მეტყვით კარგი იქნება :D

** Knowledge of the following program languages: HTML, GSS, JavaScript, PHP, Ajax, Asp.Net

ესე იგი Knowledge of the following program languages როგორ უნდა გავიგოთ? პროგრამის ენები? ეგება პროგრამირების ენები უნდა იყოს? :D

კიდევ საინტერესოა GSS რომელი “პროგრამის” ენაა? :D

ასევე საინტერესოა Ajax პროგრამისა თუ პროგრამირების ენაა? ან ენაა საერთოდ? :P

]]> http://www.code.ge/posts/interesting-job-offer/feed 14 ქართული Tech(ნოლოგიური) ბლოგები http://www.code.ge/posts/%e1%83%a5%e1%83%90%e1%83%a0%e1%83%97%e1%83%a3%e1%83%9a%e1%83%98-tech%e1%83%9c%e1%83%9d%e1%83%9a%e1%83%9d%e1%83%92%e1%83%98%e1%83%a3%e1%83%a0%e1%83%98-%e1%83%91%e1%83%9a%e1%83%9d%e1%83%92%e1%83%94 http://www.code.ge/posts/%e1%83%a5%e1%83%90%e1%83%a0%e1%83%97%e1%83%a3%e1%83%9a%e1%83%98-tech%e1%83%9c%e1%83%9d%e1%83%9a%e1%83%9d%e1%83%92%e1%83%98%e1%83%a3%e1%83%a0%e1%83%98-%e1%83%91%e1%83%9a%e1%83%9d%e1%83%92%e1%83%94#comments Sat, 31 Jan 2009 08:04:32 +0000 იოსები http://www.code.ge/?p=163 თითქმის წელიწად ნახევარი გავიდა მას შემდეგ რაც ქართული ტექნოლოგიური ბლოგების სიმცირის შესახებ დავწერე. რა შეიცვალა მას შემდეგ? სამწუხაროდ მინდა ვაღიარო რომ განსაკუთრებული არაფერი არ შეცვლილა. ამ დროის მანძილზე გამოჩნდა რამდენიმე ასეთი ბლოგი მაგრამ მხოლოდ რამდენიმე :(

რა გვჭირს? რატომ ვართ ასეთი ჩაკეტილები და რატომ არ ვწერთ? მესმის, ძალიან კარგად მესმის დროის სიმცირის ფაქტორი, მაგრამ, როგორ ახერხებენ ამ სფეროში ცნობილი დასავლელი კოლეგები თავიანთი ძირითადი საქმეების, კონფერენციებისა და სხვა აქტივობის პარალელურად ბლოგერობას? რატომ ვერ ვღებულობთ ჩვენ ამ შესანიშნავ საშუალებას ისე როგორც ეს ხდება სხვაგან? არა, არ იფიქროთ რომ ვინმეს ჭკუას ვარიგებ და ა.შ. სპეციალურად ვწერ მრავლობით რიცხვში და ჩემს თავსაც მოვიაზრებ როდესაც ვწერ “ჩვენ”. მინდა გითხრათ რომ ძალიან დიდ სიამოვნებას მანიჭებს ბლოგზე თუნდაც იშვიათად წერა, მცირე მაგრამ შეძლებისდაგვარად სასარგებლო საქმის კეთება GeoKBD – ს სახით და ა.შ. მაგრამ არც ეს მგონია საკმარისი.

დაახლოვებით 2005 წლიდან გავხდი ბლოგების აქტიური მკითხველი, შედარებით მოგვიანებით მე თვითონ დავიწყე წერა და რა მივიღე ამ წლების მანძილზე? რამდენიმე ძალიან მნიშვნელოვანი რამ: 1) მივიღე უზარმაზარი ცოდნა ისეთი ადამიანებისგან რომლებსაც არ ეზარებათ საკუთარი გამოცდილების გაზიარება; 2) ვისწავლე უკეთ წერა(არასოდეს არ გამოვირჩევოდი კარგი წერით და ძალიან ბევრი ხარვეზი მაქვს ამ მხრივ დღესაც) და აზრის უკეთ გადმოცემა; 3) დავინახე რომ თუნდაც ის მცირედი რასაც ამ ბლოგის მეშვეობით ვაკეთებ თურმე სასარგებლოც კი ყოფილა სხვა ადამიანებისთვის.

რა ვქნათ ახლა? კიდევ ერთხელ გავაკეთო მოწოდება? :D მოგიწოდებთ! კატეგორიულად მოგიწოდებთ! ჩვენ თავად თუ არ გავაუმჯობესეთ და არ შევცვალეთ ატმოსფერო ამ სფეროში, თუ არ გავხდით უფრო გახსნილები და ვიქნებით ასეთი კარჩაკეტილები ყოველთვის 10 წლით უკან ვიქნებით რაც დამეთანხმებით რომ ძალიან არასასიამოვნოა :D

P.S.
რამდენიმე ბლოგი რომელიც ამ პერიოდის მანძილზე შეიქმნა:

Georgian Game developers unite!
ActionScript.GE
გოდეს ინტერნეტ დავთარი
Blog for web developers
LedTechDesign

მეტი ახალი ბლოგები არ ვიცი და თუ მომაწოდებთ დიდად დამავალებთ :)

]]> http://www.code.ge/posts/%e1%83%a5%e1%83%90%e1%83%a0%e1%83%97%e1%83%a3%e1%83%9a%e1%83%98-tech%e1%83%9c%e1%83%9d%e1%83%9a%e1%83%9d%e1%83%92%e1%83%98%e1%83%a3%e1%83%a0%e1%83%98-%e1%83%91%e1%83%9a%e1%83%9d%e1%83%92%e1%83%94/feed 5 გილოცავთ ახალ წელს! :) http://www.code.ge/posts/%e1%83%92%e1%83%98%e1%83%9a%e1%83%9d%e1%83%aa%e1%83%90%e1%83%95%e1%83%97-%e1%83%90%e1%83%ae%e1%83%90%e1%83%9a-%e1%83%ac%e1%83%94%e1%83%9a%e1%83%a1 http://www.code.ge/posts/%e1%83%92%e1%83%98%e1%83%9a%e1%83%9d%e1%83%aa%e1%83%90%e1%83%95%e1%83%97-%e1%83%90%e1%83%ae%e1%83%90%e1%83%9a-%e1%83%ac%e1%83%94%e1%83%9a%e1%83%a1#comments Thu, 01 Jan 2009 12:09:35 +0000 იოსები http://www.code.ge/?p=156 ყველას გილოცავთ ახალ 2009 წელს! გისურვებთ ბედნიერებას, სიხარულს და წარმატებას ნებისმიერ ასპარეზზე!

ვისურვებდი რომ 2009 წელი ყოფილიყოს 2008 – ზე გაცილებით უკეთესი. ჩემთვის პირადად გასული წელი ძალიან ცუდიც იყო და ძალიან კარგიც, არც კი ვიცი რომელი ჭარბობს მაგრამ ვისურვებდი რომ ის ცუდი რაც 2008 წელს ვიხილე აღარასოდეს აღარ მეხილა და იგივეს ვუსურვებ ყველას ვინც კი ამ ბლოგს კითხულობს/წაიკითხავს/არ წაკითხავს და ა.შ. მოკლედ ყველას ყველას ყველას :) :)

აბა კიდევ ერთხელ ყველას გილოცავთ ახალ წელს :)

]]> http://www.code.ge/posts/%e1%83%92%e1%83%98%e1%83%9a%e1%83%9d%e1%83%aa%e1%83%90%e1%83%95%e1%83%97-%e1%83%90%e1%83%ae%e1%83%90%e1%83%9a-%e1%83%ac%e1%83%94%e1%83%9a%e1%83%a1/feed 0 ქართველი პროგრამისტები მსოფლიო ჩემიპიონატის ფინალში! http://www.code.ge/posts/%e1%83%a5%e1%83%90%e1%83%a0%e1%83%97%e1%83%95%e1%83%94%e1%83%9a%e1%83%98-%e1%83%9e%e1%83%a0%e1%83%9d%e1%83%92%e1%83%a0%e1%83%90%e1%83%9b%e1%83%98%e1%83%a1%e1%83%a2%e1%83%94%e1%83%91%e1%83%98 http://www.code.ge/posts/%e1%83%a5%e1%83%90%e1%83%a0%e1%83%97%e1%83%95%e1%83%94%e1%83%9a%e1%83%98-%e1%83%9e%e1%83%a0%e1%83%9d%e1%83%92%e1%83%a0%e1%83%90%e1%83%9b%e1%83%98%e1%83%a1%e1%83%a2%e1%83%94%e1%83%91%e1%83%98#comments Tue, 02 Dec 2008 08:00:29 +0000 იოსები http://www.code.ge/?p=152 ტექნოლოგიების სფეროსა და საქართველოს შორის იმდენად სპეციფიური კავშირია რომ ძნელია რაიმემ გაგახაროს ან ინტერესი გაგიღვიძოს :D მაგრამ ახალგაზრდა თაობა აშკარად მუხლჩაუხრელად შრომობს და უკვე მნიშნველოვან წარმატებებსაც აღწევენ. მაშ ასე, ქართველი პროგრამისტები კერძოდ კი:

Tbilisi SU 1 (Bogdanov, Jimsheleishvili, Lekveishvili)

მსოფლიო ჩემპიონატის ფინალში არიან რომელიც 2009 წლის აპრილში ჩატარდება შვედეთის ქალაქ სტოკჰოლმში.

ვულოცავ გუნდის ყველა წევრს და მთელი გულით ვგულშემატკივრობ :)

Update:
დეტალები შეგიძლიათ იხილოთ გიორგი ლეკვეიშვილის ბლოგზე

]]> http://www.code.ge/posts/%e1%83%a5%e1%83%90%e1%83%a0%e1%83%97%e1%83%95%e1%83%94%e1%83%9a%e1%83%98-%e1%83%9e%e1%83%a0%e1%83%9d%e1%83%92%e1%83%a0%e1%83%90%e1%83%9b%e1%83%98%e1%83%a1%e1%83%a2%e1%83%94%e1%83%91%e1%83%98/feed 8 Google Trip http://www.code.ge/posts/google-trip http://www.code.ge/posts/google-trip#comments Sat, 25 Oct 2008 11:27:46 +0000 იოსები http://www.code.ge/?p=149 მოკლედ დღეს გამთენიისას დავბრუნდი კრაკოვიდან, სადაც გუგლს ვსტუმრობდი. სტუმრობის მიზეზი ზედმეტად საქმიანი და მოკლე ვადებში გაწერილი იყო ასე რომ ბევრი რამ რასაც ვგეგმავდი ვერ მოვასწარი.

ვინც არ იცის მათთვის: სექტემბრის დასაწყისში CV გავუგზავნე გუგლს რაზეც გამომეხმაურნენ, სატელეფონო ინტერვიუ დამინიშნეს და დაახლოვებით 10 დღეში დამიკავშირდნენ. სატელეფონო ინტერვიუ ძალიან საინტერესო იყო, დეივი, ინჟინერი ნიუ იუორკიდან ძალიან გახსნილი, მხიარული და ენაწყლიანი პიროვნება აღმოჩნდა :) დაახლოვებით 50 წუთიანი ტექნიკური ინტერვიუს შემდეგ მითხრა რომ მეც შემეძლო შეკითხვების დასმა. ჩემს შეკითხვებს ამომწურავად და ხალისით უპასუხა :) ბოლოს დავემშვიდობეთ ერთმანეთს და მითხრა, რომ, ამ ინტერვიუს შესახებ დაწერდა ანგარიშს და ერთი კვირის განმავლობაში პასუხს შემატყობინებდნენ… მეორე საღამოს დამირეკეს… უშუალოდ პოლონეთის, კრაკოვის ოფისიდან და გამესაუბრნენ. საბოლოო ჯამში შემომთავაზეს ე.წ. face to face ინტერვიუზე ჩასვლა გუგლის ოფიში. რა თქმა უნდა ხარჯები მთლიანად გუგლმა აიღო თავის თავზე.

მოკლედ აღარ დავწვრილმანდები მოსაწვევების, ბილეთების და ვიზის აღების გაწელილი პროცედურების აღწერით და პირდაპირ გადავალ საქმეზე :)

გუშინწინ ჩავედი ულამაზეს ქალაქ კრაკოვში სადაც მდებარეობს გუგლის ოფისი. დავბინავდი სასტუმროში რომელიც გუგლის ოფისიდან სულ რაღაც სამი წუთის სავალზე იყო ფეხით. დავისვენე და მოვემზადე მეორე დღისთვის. დილით ადრე ავდექი და გევეშურე გუგლის ოფისისკენ. მოკლედ როგორც იქნა შევაბიჯე მისტიური გუგლის ოფისში სადაც ძალიან გულღიად დამხვდნენ და მიმიღეს :) გარკვეული აუცილებელი პროცედურების გავლის შემდეგ მითხრეს რომ ნახევარი საათი უნდა მომეცადა და მეც განვთავსდი ერთერთ სავარძელში.

პირველი რაც მეცა თვალში ეს იყოს ფეხშიშველი თანამშრომლები :D მართლა, ყოველგვარი გადაჭარბების გარეშე… ზოგი ჩვეულებრივ სახლის ფლოსტებშიც დადიოდა(მოგვიანებით ერთერთი ინტერვიუერი ზუსტად მსგავს ფორმაში წარსდგა ჩემს წინაშე). ასევე სანამ ვიცდიდი ჩემმა კოორდინატორმა, ვიოლეტამ, ვიღაცას დაუძახა და გასართობ დარბაზში ერთი ხელი მაგიდის ჩოგბურთის თამაშიც მოასწრეს…

მოკლედ ზუსტად ნახევარ საათში დამიძახა აქოშინებულმა ვიოლეტამ და დაიწყო ექვს საათიანი მარათონი, რომელიც საღამომდე გაგრძელდებოდა :) რა შემიძლია გითხრათ ამ ინტერვიუებზე? პირველ რიგში ჩემდა გასაოცრად ყველა ინტერვიუ ძალიან რეალური იყო, არავითარი უცნაური ან სულელური შეკითხვები.. ყველა შეკითხვა აბსოლუტურად ჩამოყალიბებული და კონკრეტული იყო.

მაშ ასე, ინტერვიუ პირველი:

ინტერვიუერი 40 წლამდე პიროვნებამ(როგორც აღმოჩნდა უზარმაზარი გამოცდილებისა და ცოდნის მქონე) ღიმილით წარმიდგინა თავისი თავი და მთხოვა ჩემს შესახებ მომეყოლა რაიმე :) მეც მოვუყევი… შემდგომ გადავიდა საქმეზე და დამისვა ამოცანა და მთხოვა მეპოვა გამოსავალი და ამეღწერა ალგორითმი… მომიწია დაფასთან დგომა და ჩემი მოსაზრებების გადმოცემა :) საერთო ჯამში როგორც ჩანს კმაყოფილი დარჩა და თავადაც განავრცო თემა ჩემს მიერ ჩამოყალიბებული გადაწყვეტის საფუძველზე.

შემდეგ მაგიდაზე დადო ანდროიდი იგივე G1 და მკითხა თუ ვიცოდი მის შესახებ რაიმე? ცოტა რამ ვიცოდი და ვუთხარი ამის შესახებ… შემდეგ მკითხა iphone უფრო მომწონს თუ ანდროიდი? ვუთხარი ჩემი მოსაზრებები აიფონის სასარგებლოდ :D და ჩაეცინა და უეცრად აიფონის sdk – ზე დამისვა შეკითხვა(სივიში მეწერა ამის შესახებ და ლოგიკური შეკითხვა იყო). მაქსიმალურად ამომწურავად ვუპასუხე. როგოც შევატყვე ამ პასუხითაც კმაყოფილი დარჩა. შემდგომ სიტყვა ჩამომიგდო ვებ სერვისებზე და შედარებით ვრცლად მოგვიწია კამათმა ამ თემაზე… დაახლოვებით 20 წუთი. საბოლოო ჯამში პირველი ინტერვიუს დრო ამოიწურა, ხელი ჩამოვართვით ერთმანეთს და დავემშვიდობეთ :)

ინტერვიუ მეორე:

მეორე ინტერვიუზე ორი ინტერვიუერი მყავდა, დაახლოვებით ჩემი ასაკის ბიჭი და შედარებით ახალგაზრდა პუტკუნა გოგონა :D

ამ ინტერვიუზეც მომიწია ვებ სერვისებზე საუბარმა განსაკუთრებით აქცენტირებული იყო REST რასაც ყოველგვარი გადაჭარბების გარეშე ეფექტურად გავართვი თავი. ბრაუზერებს შორის არათავსებადობაზე გარკვეული მასტერ კლასი ჩავუტარე, რატომ მკითხეს ამის შესახებ არ ვიცი მაგრამ აშკარად დავადუმე… შემდგომ უეცრად თითქოს შური იძიაო მომიბრუნდა ერთერთი და რაღაცა დამიხატა დაფაზე და აბა გრაფების თეორიაო :D ნუ გამომდინარე იქედან რომ გრაფების თეორია არ ვიცი წავბორძიკდი თუმცა გარკვეული მსჯელობის შემდეგ ლოგიკური პასუხი მოვძებნე და მთლად უპასუხოდ არ დამიტოვებია შეკითხვა.

შემდეგ ვისაუბრეთ ვებ აპლიკაციებში გამოყენებად პატერნებზე, ფრონტ კონტროლერი, პეიჯ კონტროლერი და ა.შ ესეც საკმაოდ მარტივად გადავატარე. და ინტერვიუს დრო კვლავ ამოიწურა. დამემშვიდობნენ ღიმილით და დაიწყო შემდეგი ჩემის აზრით ყველაზე დინამიური და რთული ინეტერვიუ…

ინტერვიუ მესამე:

შემოვიდა დაახლოვებით 35 წლამდე მხიარული და ენაწყლიანი ინჟინერი. გაცნობისა და მოკლე შესავლის შემდეგ პირდაპირ გადავიდა საქმეზე. დამისვა კონკრეტული ამოცანა, და მკითხა როგორ გადავწყვეტდი? დაახლოვებით 5 წუთში დავასრულე ჩემს მიერ არჩეული აპლიკაციის დიზაინის ახსნა, შეაქო არჩევანი და ლოგიკურად გააგრძელა იგივე თემა სხვა დამატებით დეტალებზე ჩაძიებით. მინდა ვთქვა წარმატებით გავიარეთ ეს ნაწილიც.

შემდეგ გადავიდა კონკრეტულ ტექნოლოგიებზე, კერძოდ კი იჯეიბი2 – სა და ჰიბერნეიტს შორის შედარება გამაკეთებინა. მალევე მოვრჩით ამ თემას და უეცად გადავიდა ჯ2ეე – სა ჯედიბისის ლანძღვაზე. გაასწორა მიწასთან რეალციური მონაცემთა ბაზები და ა.შ. ამის მიზეზად მოიყვანა ამ ტექნოლოგიური კომპონენტების ცუდად მასშტაბირების უნარი. და შემდეგ მკითხა მე რას ვფიქრობდი იგივე თემაზე? შეძლებისდაგვარად ვუთხარი ჩემი პასუხი და ისიც მაქსიმალურად ჩამეძია :D მოკლედ ეს საკითხიც გავიარეთ და უცბად მომიჯდა გვერდზე ფურცელი და პასტა მომცა რასაც მოაყოლა განცხადება რომ უნდა დამეწერა კოდი ფურცელზე და მას უნდა ეყურებინა :D :D დამისვა რაღაც უსაძაგლესი ამოცნა მრავალნაკადური პროგრამირების შესახებ, სიმართლე ითქვას ამოცანა ვერც თავიდან გავიგე, ვერც შუაში და ვერც პოსტ ფაქტუმ როდესაც უბრალოდ ინტერესის გამო ვთხოვე ახსნა :D ანუ სერიოზულად გამახოხა მაგ ამოცანით :D მაგრამ ეგ არაფერიო უბრალოდ მაინტერესებდა ეგეთ რამეები საერთოდ გიკეთებია თუ არა როდესმეო… ეს ინტერვიუც დასრულდა…

ინტერვიუ მეოთხე:

წინა ინტერვიუს დასრულებამდე, ოთახში შემოვიდა ახალგაზრდა ბიჭი რომელიც მანამდე დილით გავიცანი, სასწრაფოდ შეგვაწყვეტინა ინტერვიუ. მომკიდა ხელი და სადღაც გამაქანა თან რუსულად ქაქანებდა გაუჩერებლად :D სანამ გონს მოვედი თავი ამოვყავით კრაკოვის ცენტრალურ მოედანზე ერთ ერთ “ზავედენიაში” დაახლოვებით ერთი საათი გავატარეთ იქ სადაც ჩემმა თანმხლებმა შინაურულად მომიგვარა და უპრობლემოდ დამტყუა დამატებითი ინფორმაცია ჩემს შესახებ, ჩემი ცოდნისა და გამოცდილების შესახებ და ჩემი გუგლისადმი დამოკიდებულების შესახებ… ასევე გაარკვია ჩემი ოჯახური მდგომარეობა. მოკლედ თავიდან ვერ მივხვდი მაგრამ ვიეჭვე რომ ესეც ინტერვიუ იყო, რაც მოგვიანებით დადასტურდა :D

ინტერვიუ მეხუთე:

ამჯერად ბელორუსიელი მათემატიკოსის მსხვერპლი გავხდი. მიუხედავად იმისა რომ მათემატიკა არ ვიცი მაგ ერთ საათსაც წარმატებით გავუძელი და ჩემის აზრით ერთერთი ყველაზე საინტერესო ინტერვიუ იყო. საბოლოოდ ყველაფერი დამთავრდა იმით რომ რაღაც უცნაური პლოტერი გამოვიგონეთ დავაპროგრამეთ და ავამუშავეთ(რა თქმა უნდა თეორიულად) :D ეს ახალგაზრდაც ღიმილით დამემშვიდობა და წავიდა..

ინტერვიუ მეექვსე:

ეს ინტერვიუ ყოვლად არასაინტერესო იყო ჩემთვის… ორი გოგონა რომლებიც ე.წ. ფრონტ ენდ ინჟინრებად წარმომიდნენ საკმაოდ სუსტები აღმოჩნდნენ.. ამ ბოლო ინტერვიუზე სრულად ვაკონტროლებდი ორივეს და ყოველგვარი გადაჭარბების გარეშე მე თვითონ მიმყავდა ინტერვიუ იმ მიმართულებით რაც უფრო საინტერესოდ მიმაჩნდა… ბევრ საკითხზე საკმაოდ დეტალური განმარტებების გაკეთება მომიწია იმიტომ რომ უაზროდ მეკამათებოდა ერთერთი(შესაძლებელია სპეციალურადაც, თუმცა არ ვიცი). ბოლოს კი ძალიან უცნაური რამ გააკეთეს, ჯავა – ზე კლასის დაწერა მომთხოვეს რომელიც გარკვეული გამოსახულებების მანიპულაციის საშუალებას მისცემდა მათ და ექნებოდა ორნაირი ქცევის უნარი: 1) შეასრულებდა გამოსახულებას და დააბრუნებდა შედეგს; 2) ამ გამოსახულებას ეკრანზე გამოსაბეჭდ სახეს მისცემდა; ეს ამოცანა დაახლოვებით ხუთ წუთში გადავჭერი და ამით დასრულდა ინტერვიუ..

ამ ინტერვიუების შემდეგ, მითხრეს რომ რვავე ინტერვიუერმა უნდა დაწეროს თავისი ანგარიში ხოლო შემდგომ უკვე სხვებმა გადაწყვიტონ ჩემთან გასაუბრების შედეგი. მოკლედ პასუხი უახლოვეს ორ კვირაში მეცოდინება.

შემდეგ, გუგლის ოფისიდან პირდაპირ აეროპორტში გავიქეცი რადგან უკვე მაგვიანდებოდა და დავბრუნდი სამშობლოში :)

ასე დასრულდა ჩემი ხანმოკლე მაგრამ ძალიან საინტერესო ვიზიტი გუგლთან :) იმედია ამ მონათხრობიდან თქვენთვის საინტერესოს იპოვით :)

P.S.
სურათების გადაღების ნება არ დამრთეს :( სამწუხაროდ ასეთი უცნაური წესი აქვთ… მაინც მოვახერხე რამდენიმეს გადაღება მაგრამ მთხოვეს რომ არ გავავრცელო ინტერნეტის მეშვეობით… ამიტომ იძულებული ვარ თავი შევიკავო მათი აგ დადებისგან…

Update: კრაკოვის სურათები

Update:

დამირეკეს გუგლიდან და სამწუხაროდ უარი მითხრეს… მიზეზი? low level ინჟინერი გვჭირდება ამ ეტაპზე უფროო :D

მოკლედ ამჯერად ვერ გავუძელი სათანადოდ გამოცდას, თუმცა გული არ მწყდება… ნებისმიერ შემთხვევაში უზარმაზარი გამოცდილება იყო ჩემთვის. რაზეც არცერთი წამით არ ვნანობ და ჩემს კარიერაში ერთერთ უმნიშნველოვანეს მოგონებად დარჩება ყოველთვის :)

რიგი თქვენზეა B-)

]]> http://www.code.ge/posts/google-trip/feed 53 Fring for iPhone B-) http://www.code.ge/posts/fring-for-iphone-b http://www.code.ge/posts/fring-for-iphone-b#comments Sat, 19 Apr 2008 19:55:30 +0000 იოსები http://www.code.ge/?p=127 Fring Photoთუ თქვენ გიყვართ ჩატაობა, რამდენიმე IM კლიენტით სარგებლობთ და Skype – ს მეშვეობითაც ხშირად რეკავთ. ამავე დროს ხართ iPhone – ს ბედნიერი მფლობელი და კომუნიკაციის მსგავსი შესაძლებლობა გაკლიათ სწორედ თქვენთვის არის ეს შესანიშნავი პროდუქტი :D

პირველი აბზაცით მიხვდით ალბათ როგორი “ნიჭიერი” ფიარის ოსტატი ვარ :P

რაც შეეხება თემას, რამდენიმე დღის წინ ტექკრანჩზე წავიკითხე ამ შესანიშნავი პროდუქტის შესახებ რომელსაც სახელად ჰქვია Fring.

რა არის Fring და რისთვის გამოიყენება იგი? მოკლედ რომ ვთქვათ:

Fring supports Skype, MSN Messenger, Google Talk, ICQ, SIP, Twitter, Yahoo and AIM services.

ამ შესანიშნავი პროგრამული პროდუქტის მწარმოებელმა კომპანიამ სულ რამდენიმე დღის წინ დაასრულა iPhone – ს ვერსიის ტესტირება და Fring – ის პირველი პრერელიზ ვერსია შესთავაზა მომხმარებლებს.

ეხლახანს მოვიცალე და დავაინსტალირე, მართლაც შესანიშნავად მუშაობს. მართალია ჯერ Skype არ გამიტესტავს, მაგრამ სხვა მესინჯერები არაჩვეულებრივად მუშაობს.

თუ გადაწყვეტთ დაინსტალირებას, გაითვალისწინეთ რომ თქვენი ტელეფონი უნდა იყოს გატეხილი, თუმცა საქართველოსთვის ეს გაფრთხილება ყოვლად ზედმეტია :P

ინსტალაციის ინსტრუქცია კი შეგიძლიათ იხილოთ აქ :)

]]> http://www.code.ge/posts/fring-for-iphone-b/feed 10 ყველაზე ამაზრზენი თემა Apple Mac – ზე http://www.code.ge/posts/%e1%83%a7%e1%83%95%e1%83%94%e1%83%9a%e1%83%90%e1%83%96%e1%83%94-%e1%83%90%e1%83%9b%e1%83%90%e1%83%96%e1%83%a0%e1%83%96%e1%83%94%e1%83%9c%e1%83%98-%e1%83%97%e1%83%94%e1%83%9b%e1%83%90-apple-mac http://www.code.ge/posts/%e1%83%a7%e1%83%95%e1%83%94%e1%83%9a%e1%83%90%e1%83%96%e1%83%94-%e1%83%90%e1%83%9b%e1%83%90%e1%83%96%e1%83%a0%e1%83%96%e1%83%94%e1%83%9c%e1%83%98-%e1%83%97%e1%83%94%e1%83%9b%e1%83%90-apple-mac#comments Fri, 18 Apr 2008 07:15:36 +0000 იოსები http://www.code.ge/?p=126 ყველას კარგად მოეხსენება რომ, Apple მართლა კარგ და დახვეწილ პროდუქციას აწარმოებს. ასევე დიდი ხანია აღიარებული ფაქტია რომ Apple – ს პროდუქციას გარკვეულწილად ელიტური ნიშა უკავია, და ამ პროდუქციის მომხმარებლებიც მეტნაკლებად ელიტიზმის სენით არიან შეპყრობილნი…

ეს ყველაფერი კარგი და სასიამოვნო, ამაში სიმართლე ითქვას ცუდს ვერაფერს ვხედავ… მითუფრო მეც Apple – ს პროდუქციის მომხმარებელი ვარ და ჩემს არსენალში არის ამ მწარმოებლის რამდენიმე “გაჯეტი”… თან გულწრფელად ვაღიარებ რომ ძალიან კმაყოფილი ვარ ამ პროდუქტებით, ძალიან მომწონს და მომავალშიც გავაგრძელებ ამ კომპანიის პროდუქციის მოხმარებას…

ახლა რაც შეეხება პოსტის სათაურშე გაჟღერებულ “ამაზრზენ თემას”.. ჩემის აზრით, და პირადად ჩემთვის მსგავსი დამოკიდებულება ნებისმიერი კომპანიისადმი და მითუმეტეს მათი პროდუქტებისადმი მიუღებელია და რატომღაც ყოველთვის აგრესიას და არასასიამოვნო განცდებს იწვევს :D

თავად რაც შეეხება თემას, გთხოვთ დატკბით B-)

Macintosh-ის ცნობილი ქართველი მომხმარებლები, პოლიტიკოსები, სპორტსმენები, კულტურისა და ხელოვნები

ნამდვილად ვერ ვხვდები, და ალბათ ვერც ვერასოდეს ვერ მივხვდები რას ემსახურება ასეთი ტიპის თემები… ამითი Apple და მისი პროდუქტები გაუმჯობესდებიან? თუ ეს ტროლიზმსა და სნობიზმში გადაზრდილი ე.წ. “ელიტიზმი” რაც უფრო ხაზგასმული იქნება მით უკეთესები და “ელიტურები” გავხდებით Apple – ს პროდუქციის მომხმარებლები? :D არ ვიცი… ნამდვილად ვერ ვხვდები ამას :D

და რა იმით რომ “ცნობილი ქართველები” MacBook – ებით ან iPhone – ბით არიან აღჭურვილნი? ამაყი უნდა გავხდე იმ ფაქტით რომ თურმე ნუ იტყვი ნუ ჩვენი პრეზიდენტი, გიორგი მაისაშვილი ან რომელიმე ფეხბურთელი რომელსაც დიდ პატივს ვცემ MacBook – ს იყენებს?

მართლა კერქი რა :D

ბოლოსიტყვაობასავით, ვიტყვი რომ, თუ რომელიმე ამ კომპანიის ასეთი თაყვანისმცემელი წააწყდება ამ პოსტს, ნუ მოგერიდებად და თამამად დააფიქსირეთ თქვენი აზრი, ზედმეტად დემოკრატიული ბუნების ვარ იმისათვის რომ ამ თემაზე კომენტარები დავხურო…და მაინც, ყოველი შემთხვევისთვის მოგიწოდებთ კორექტულობისკენ :P

ასევე, გთხოვთ ყველას, ვინც არ ხართ Apple – ს კლიენტი, და თქვენშიც აგრესიას იწვევს მისი და მისი პროდუქტებისადმი ასეთი ტიპის დამოკიდებულება, აზრის დაფიქსირების შემთხვევაში იყავით კორექტულნი. :D

P.S.
თამამად შეგიძლიათ გააკრიტიკოთ ჩემი ქართული, არც ამის გამო “დავიგრუზები” :) :) :)

]]> http://www.code.ge/posts/%e1%83%a7%e1%83%95%e1%83%94%e1%83%9a%e1%83%90%e1%83%96%e1%83%94-%e1%83%90%e1%83%9b%e1%83%90%e1%83%96%e1%83%a0%e1%83%96%e1%83%94%e1%83%9c%e1%83%98-%e1%83%97%e1%83%94%e1%83%9b%e1%83%90-apple-mac/feed 8 Code.ge Hacked – სიზარმაცე ისჯება! :D :D :D http://www.code.ge/posts/fuck-you-hackers http://www.code.ge/posts/fuck-you-hackers#comments Wed, 16 Apr 2008 16:44:53 +0000 იოსები http://www.code.ge/?p=125 Fuck You “Hacker” :P

რა უნდა ვთქვა? ბლოგი დამიხაკერეს… კიდევ მარტივად გადავრჩი დიდი მადლობა ვანოს(Crusader)..

ესე იგი ასეთი რამ მოხდა, ჩემი მეგობარი ვანო, კითხულობდა ამ გვერდს: http://www.code.ge/geokbd და ჩატში მომწერა რომ ტექსტში რამდენიმე ორთოგრაფიული შეცდომა მქონდა. მაშინათვე შევედი იმ გვერდზე და ჩემდა გასაოცრად ადგილზე აღარ დამხვდა :D :D :D

პირველი რაც გავაკეთე, გავხსენი კონტროლ პანელი და აღმოვაჩინე რომ, გვერდი საერთოდ წაშილილი იყო. შედმეგ ვანოს ვთხოვე რომ ტექსტი დაეკოპირებინა და გამოეგზავნა ჩემითვის. მაგრამ რად გინდა? გვერდი ვეღარ შევქმენი… მაშინათვე გულმა მიგრძნო რაშიც იყო საქმე და პრობლემის ძებნა დავიწყე…

აღმოჩნდა რომ WordPress – ის ერთერთი 6 თვის წინანდელი ექსპლოიტი გამოიყენეს ჩემი ბლოგის მიმართ :D :D საბედნიეროდ ე.წ. “ჰაკერმა” დიდი ზიანის მოყენება ვერ მოასწრო… საიტი მაშინათვე გამოვრთე და ბოლო განახლება დავაყენე…

ერთი უნდა აღინიშნოს რომ ჩემი თავი მე თავად დავაზარალე, რადაგნ განახლება არ გამიკეთებია ერთი წელიწადი… და ამ ნაჩქარევი განახლების დროს uploads საქაღალდე წამეშალა შემთხვევით მთელი ატვირთული სურათებითურთ :D მაგრამ სერვერის ადმინისტრაციამ ჩემდა საბედნიეროდ აღმიდგინა :)

ასე რომ, განაახლეთ თქვენი ინსტალაციები რომ ჩემნაირი შეცდომა არ გაიმეოროთ :)

P.S.

იმ ყმაწვილკაცის ქმედებათა ლოგი, “ჰაკერი” Opera – თი :) 

78.109.21.80 - - [16/Apr/2008:01:30:43 -0400] "POST /wp-admin/upload.php HTTP/1.0" 200
 4709 "http://www.code.ge/upload.php" "Opera"
78.109.21.80 - - [16/Apr/2008:01:30:43 -0400] "POST /wp-admin/options.php HTTP/1.0" 200
 1244 "http://www.code.ge/wp-admin/options.php" "Opera"
78.109.21.80 - - [16/Apr/2008:01:30:44 -0400] "POST /wp-admin/options.php HTTP/1.0" 302
 500 "http://www.code.ge/wp-admin/options.php" "Opera"
78.109.21.80 - - [16/Apr/2008:01:30:45 -0400] "POST
/wp-admin/inline-uploading.php?post=-1&action=upload HTTP/1.0" 404
 15450 "http://www.code.ge/inline-uploading.php?post=-1&action=upload" "Opera"
78.109.21.80 - - [16/Apr/2008:01:30:45 -0400] "POST /wp-admin/options.php HTTP/1.0" 200
 1244 "http://www.code.ge/wp-admin/options.php" "Opera"
78.109.21.80 - - [16/Apr/2008:01:30:46 -0400] "POST /wp-admin/options.php HTTP/1.0" 302
 486 "http://www.code.ge/wp-admin/options.php" "Opera"
78.109.21.80 - - [16/Apr/2008:01:30:47 -0400] "POST
 /wp-admin/upload.php?style=inline&tab=upload&post_id=-1 HTTP/1.0" 200
 1150 "http://www.code.ge/upload.php?style=inline&tab=upload&post_id=-1" "Opera"
78.109.21.80 - - [16/Apr/2008:01:30:47 -0400] "POST
 /wp-admin/upload.php?style=inline&tab=upload&post_id=-1 HTTP/1.0" 302
 0 "http://www.code.ge/upload.php?style=inline&tab=upload&post_id=-1" "Opera"
78.109.21.80 - - [16/Apr/2008:01:30:48 -0400] "POST /wp-admin/options.php HTTP/1.0" 200
 1227 "http://www.code.ge/wp-admin/options.php" "Opera"
78.109.21.80 - - [16/Apr/2008:01:30:48 -0400] "POST /wp-admin/options.php HTTP/1.0" 302
 502 "http://www.code.ge/wp-admin/options.php" "Opera"
78.109.21.80 - - [16/Apr/2008:01:30:50 -0400] "GET /wp-admin/upgrade.php?step=1 HTTP/1.0" 200
 1157 "-" "-"
]]> http://www.code.ge/posts/fuck-you-hackers/feed 7 I’ll be back B-) http://www.code.ge/posts/ill-be-back http://www.code.ge/posts/ill-be-back#comments Tue, 12 Feb 2008 22:01:55 +0000 იოსები http://www.code.ge/uncategorized/ill-be-back-b მივესალმები ჩემი ბლოგის მცირერიცხოვან და ჩემგან უყურადღებოდ მიტოვებულ მკითხველს!

გარკვეული (პირადი)მიზეზების გამო საერთოდ ვეღარ ვუთმობ დროს ბლოგს და ჩემთვის ძალიან საინტერესო საქმიანობას. სულ ცოტაც და მე დავუბრუნდები ბლოგს ბევრი და საინტერესო მასალით :)

ყველას გთხოვთ მომიტევოთ უყურადღებობა, როგორც კომენტარების ავტორებს რომელთა მოდერირება ასე დამიგვიანდა, ასევე GeoKBD – ს მომხმარებლებს. სულ ცოტა ხანიც და ყველაფერი თავის ადგილზე დადგება :)

დიდი მადლობა კეთილი კომენტარებისათვის, I’ll be back B-)

]]> http://www.code.ge/posts/ill-be-back/feed 3 რატომ არ ბლოგერობენ ქართველი დეველოპერები? http://www.code.ge/posts/%e1%83%91%e1%83%9a%e1%83%9d%e1%83%92%e1%83%94%e1%83%a0%e1%83%94%e1%83%91%e1%83%98%e1%83%a1-%e1%83%a1%e1%83%98%e1%83%9b%e1%83%aa%e1%83%98%e1%83%a0%e1%83%94 http://www.code.ge/posts/%e1%83%91%e1%83%9a%e1%83%9d%e1%83%92%e1%83%94%e1%83%a0%e1%83%94%e1%83%91%e1%83%98%e1%83%a1-%e1%83%a1%e1%83%98%e1%83%9b%e1%83%aa%e1%83%98%e1%83%a0%e1%83%94#comments Wed, 28 Nov 2007 15:29:51 +0000 იოსები http://www.code.ge/uncategorized/%e1%83%a0%e1%83%90%e1%83%a2%e1%83%9d%e1%83%9b-%e1%83%90%e1%83%a0-%e1%83%91%e1%83%9a%e1%83%9d%e1%83%92%e1%83%94%e1%83%a0%e1%83%9d%e1%83%91%e1%83%94%e1%83%9c-%e1%83%a5%e1%83%90%e1%83%a0%e1%83%97 ბოლო პერიოდია ხშირად ვფიქრობ საკითხზე თუ რატომ არ უყვართ/აქვთ ქართველ დეველოპერებს ბლოგები? ბოლო რამდენიმე წელიწადია ბლოგერობა ძალიან პოპულარული გახდა დასავლეთში… ანუ იქ სადაც ინტერნეტი თავის მომხმარებლებითურთ საგრძნობლად წინ არის ე.წ. ჯინეტზე. ძალიან ბევრ დეველოპერს აქვს შესანიშნავი ბლოგი, რომლებიც ცოდნისა და გამოცდილების გაზიარების/მიღების ერთერთი საუკეთესო ინსტრუმენტია დღევანდელი გიჟური რიტმის მქონე ცხოვრებაში… არსებობს უამრავი პრობლემატური საკითხი რომლებზეც პასუხის პოვნა ხშირ შემთხვევაში მომენტალურად შესაძლებელია Google – ს მეშვეობით… და ასეთ კითხვებზე პასუხს ხშირად ვიპოვით ბლოგებზე.

რა გვჭირს აქ საქართველოში? რატომ არ გვიყვარს ადგილობრივ დეველოპერებს ბლოგერობა? ვერაფრით ვერ ვუპოვე ამ კითხვას პასუხი.. ერთადერთი ის დამრჩენია რომ ვივარაუდო, მაგრამ ვარაუდებიც არაერთგვაროვანი და ბუნდოვანია… ჩემი პირადი გამოცდილების მიხედვით თუ ვიმსჯელებთ საკმაოდ გამიჭირდა ბლოგერობის დაწყება… მაგრამ დავიწყე და მინდა ვაღიარო ძალიან აზარტული საქმიანობა აღმოჩნდა… გარდა იმისა რომ ვგრძნობ ჩემი ზოგიერთი პოსტი სასარგებლოა ამ ბლოგის მციერე რაოდენობის მკითხველებისათვის, ასევე ვატყობ რომ ძალიან ბევრ საკითხს რომელსაც ვეხები აქ, უფრო კარგად ვეუფლები და უფრო საფუძვლიან წარმოდგენას ვიქმნი… ანუ სარგებელი ორმხრივია.

დღეს ვეძებდი და სულ თითზე დასათვლელი ტექნიკური ტიპის ბლოგები ვიპოვე:

  • http://www.code.ge/ – თქვენი მონა მორჩილის ბლოგი;
  • http://www.way2web2.com/ – რომელიც სულ ახლახანს გაიხსნა;
  • http://www.tutorials.ge/ – რომელიც გარკვეული პერიოდია არსებობს და ჩემის აზრით დამწყებთათვის კარგი ადგილია გარკვეული ცოდნის მისაღებად;
  • http://www.freshblurbs.com/ – ძალიან მაღალი დონის ბლოგია, თუმცა არაქართულენოვანი;
  • http://www.about.ge/blog/ – ზოგადი ტექნიკური ბლოგი
  • http://blog.gogelia.ge/ – ბლოგი Apple – ს შესახებ

არც თავად ბლოგებია ბევრი, და არც მათზე განთავსებული მასალა არის უხვად. არადა ყოველ ჩამოთვლილ ბლოგზე გარკვეული ტიპის სასარგებლო ინფორმაციის მიღება შეიძლება.

მაშ რატომ არ ბლოგერობენ ქართველი დეველოპერები? ალბათ ამის არგუმენტი იქნება დრო რომელიც ასე ძვირი ღირს… მაგრამ მერწმუნეთ თვეში სამი/ოთხი პოსტის გაკეთება არცთუ დიდი დროს მოითხოვს :)

ასე რომ ქართველო დეველოპერებო, მოგიწოდებთ!!! იბლოგერეთ!!! :D თითოეულ ჩვენგანს ხომ გარკვეულწილად უნიკალური ცოდნა გააჩნია? ზოგიერთს კი ისეთი ცოდნა აქვს რომელიც ნებისმიერ დასავლურ კომპანიაში მომუშავე სუპერპროფესიონალს შეშურდება? რა ჯობია ამ ცოდნის გადმოცემას და სხვებისთვის გაზიარებას? :)

]]> http://www.code.ge/posts/%e1%83%91%e1%83%9a%e1%83%9d%e1%83%92%e1%83%94%e1%83%a0%e1%83%94%e1%83%91%e1%83%98%e1%83%a1-%e1%83%a1%e1%83%98%e1%83%9b%e1%83%aa%e1%83%98%e1%83%a0%e1%83%94/feed 50 Firefox & Google – ქებამ აწყინათ? სირცხვილია! http://www.code.ge/posts/firefox-google-%e1%83%a5%e1%83%94%e1%83%91%e1%83%90%e1%83%9b-%e1%83%90%e1%83%ac%e1%83%a7%e1%83%98%e1%83%9c%e1%83%90%e1%83%97 http://www.code.ge/posts/firefox-google-%e1%83%a5%e1%83%94%e1%83%91%e1%83%90%e1%83%9b-%e1%83%90%e1%83%ac%e1%83%a7%e1%83%98%e1%83%9c%e1%83%90%e1%83%97#comments Fri, 23 Nov 2007 07:25:24 +0000 იოსები http://www.code.ge/uncategorized/firefox-google-%e1%83%a5%e1%83%94%e1%83%91%e1%83%90%e1%83%9b-%e1%83%90%e1%83%ac%e1%83%a7%e1%83%98%e1%83%9c%e1%83%90%e1%83%97 firefoxlogo2.png მოგეხსენებათ სულ ახლახანს Google – მ მომხმარებლებისათვის ნელნელა დაიწყო GMail – ის ახალი ვერსიის გააქტიურება. სიმართლე ითქვას განსაკუთრებული არაფერი გხვდება თვალში, თუმცა გარკვეული დეტალები დახვეწილია და პრინციპში სასიამოვნოდ. როგორც თავად მწარმოებელი აცხადებს ძირითადი ცვლილება მოხდა JavaScript – ის არქიტექტურაში… არ ვიცი მე პირადად ასეთი რა შეცვალეს მაგრამ ასევე გვამცნეს რომ თუ გვინდოდა GMail – ის ახალი ვერსიით სარგებლობა უნდა გაგვეთიშა FireBug, რამეთუ ეს უკანასკნელი GMail – ის მუშაობას ხელს უშლის და ანელებს.

გასაგებია რომ ასეთი რამ შესაძლებელია… და დავუშვი მეც ეს აზრი მაგრამ… გუშინ საღამოთი Rocko – მ მითხრა რომ GMail მის FireFox – ს ქრეშავს… მე პირადად მართლა არაფერი შემიმჩნევია მსგავსი… მაგრამ ამ დიალოგის შემდეგ გადავამოწმე GMail და მართლა დამიქრეშა FF… ჩემთვის ეს ხდება იმ შემთხვევაში თუ სხვა ექაუნთში შესვლას ვცდილობ (მოგეხსენებათ რომ GMail გვაძლევს ერთდროულად მრავალი ექაუნთის კონფიგურაციის საშუალებას). არადა ორი დღის წინ მართლა არ სჭირდა მსგავსი რამ!

მომენტალურად დამებადა კითხვა, საერთოდ რა შუაშია FireBug? Google – ს ქებულ JavaScript დეველოპერებს დაავიწყდათ წერა? ან ასეთი რა შეცვალეს “არქიტექტურაში”? ნამდვილად არ მესმის… და არც ვაპირებ გავიგო…

ეხლა ერთი ორი ტკბილი სიტყვა Firefox – ის შესახებ. ვინც მიცნობს ყველამ იცის რამდენად დიდ პატივს ვცემ ამ ბრაუზერს, და რამდენად შეუცვლელია ის ჩემთვის(და არამარტო) დეველოპმენტში. მაგრამ მარტო დეველოპმენტით ხომ არ შემოიფარგლება ინტერნეტთან ურთიერთობა? 2.0.0.8 ვერსიის მერე ენით აუწერელი სისულელეები სჭირს ამ ბრაუზერს…

  1. მეხისერებას ჭამს უსაზღვროდ, გუშინ მაგალითად მთელი დღის მუშაობის მერე 700mb - ზე მეტი ეკავა;
  2. 2.0.0.9 ვერსიის გამოსვლის შემდეგ გაურკვეველი პრობლემები გაუჩნდა FireBug – ს. და პროექტის გარკვეულ პეიჯებზე იგი არ მუშაობს(იგივე ქცევა შეინიშნება ვინდოუსზეც და მაკინტოშსზეც)
  3. რამდენიმე დღის წინ მაკზე, მუშაობისას FF – მა ამაყად განმიცხადა რომ გამოვიდა HTML ვალიდატორის განახლება… ტრადიციულად განვაახლე ეს დამატება… და რა მივიღე საბოლოო ჯამში? ნახევარი FF გადიზეიბლებული დამხვდა… მხოლოდ გვერდს ხსნიდა და მეტს არაფერს არ აკეთებდა!! ბოლოს გავარკვიე რომ ამ ვალიდატორისთვის Leopard აღმოჩნდა “Not Supported Platform”

არ ვიცი… რა დასკვნის გაკეთება შეიძლება? M$ + Google + Apple + Mozilla Foundation ყველა ერთად SUCKS!

]]> http://www.code.ge/posts/firefox-google-%e1%83%a5%e1%83%94%e1%83%91%e1%83%90%e1%83%9b-%e1%83%90%e1%83%ac%e1%83%a7%e1%83%98%e1%83%9c%e1%83%90%e1%83%97/feed 19 ქართული კლავიატურის სკრიპტი http://www.code.ge/posts/geokbd http://www.code.ge/posts/geokbd#comments Tue, 23 Oct 2007 18:54:00 +0000 იოსები http://www.code.ge/geokbd/ ქართული კლავიატურის სკრიპტი – GeoKBD წარმოადგენს JavaScript – ზე დაწერილ სკრიპტს, რომლის დანიშნულებაც არის HTML ფორმებთან მარტივი ინტეგრაცია და ფორმის სასურველ ველების ქართულად წერის შესაძლებლობით აღჭურვა. ასევე მისი ინტეგრირება შესაძლებელია ნებისმიერი ტიპის WYSIWYG (Rich) რედაქტორთან.

სკრიპტი მუშაობს და გატესტილია შემდეგ ბრაუზერებში:

  • InternetExprlorer 6
  • InternetExplorer 7
  • Mozilla FireFox
  • Safari Windows (wysiwyg რედაქტორების მხარდაჭერა ჯერ არ მუშაობს)
  • Safari Mac OS X
  • Opera
  • Camino
  • Mozilla SeaMonkey

სკრიპტი ვრცელდება MIT ლიცენზიით, და მისი გამოყენება შესაძლებელია ნებისმიერი ტიპის პროექტისათვის, ცხადია საავტორო უფლებების დაცვით.

სკრიპტის გამოყენება მაქსიმალურად მარტივია და ფორმის ელემენტების ქართული ბეჭდვის შესაძლებლობის რეალიზაციისათვის საკმარისია გამოვიყენოთ ქვემოთ მოყვანილი მარტივი რომელიმ JavaScript კონსტრუქცია.

ერთი ფორმის, მრავალი ველის კლავიატურასთან მიბმა შესაძლებელია დინამიური მასივისა და შედმეგი ტიპის კონსტრუქციის გამოყენებით:

GeoKBD.map('my-form', ['my-field-one', 'my-field-two']);

იმ შემთხვევაში თუ საჭიროა ფორმის ყველა ელემენტის კლავიატურაზე მიბმა საკმარისია შემდეგი კონსტრუქცია:

GeoKBD.map('my-form');

იმ შემთხვევაში თუ გვსურს დოკუმენტში არსებული ყველა ფორმის ყველა ელემენტის კლავიატურაზე მიბმა საკმარისია შემდეგი კონსტრუქცია:

GeoKBD.map();

ხოლო ერთი ველის ქართულ კლავიატურასთან მისაბმელად შესაძლებელია გამოვიყენოთ ქვემოთ ნაჩვენები კონსტრუქციებიდან ერთერთი:

GeoKBD.map('my-form', ['my-field-one']);
//ან ასე
GeoKBD.map('my-form', 'my-field-one');

სკრიპტის აღსანიშნავი დეტალია ის რომ, ამ მომენტისათვის იგი ერთადერთია რომლის მეშვეობითაც შესაძლებელია ე.წ. WYSIWYG რედაქტორების მიბმა ქართულ კლავიატურასთან. ამ ეტაპისათვის წარმატებით არის გატესტილი TinyMCE, FckEditor , vBulletin და IPB ფორუმების რედაქტორებთან ინტეგრაცია.

wysiwyg ედიტორთან ინტეგრაციისათვის საჭიროა შემდეგი ტიპის კონსტრუქციის გამოყენება:

GeoKBD.mapIFrame('myEditorId');
//სადაც 'myEditorId თქვენი კომპონენტის იდენტიფიკატორია!

ზემოთ ჩამოთვლილი WYSIWYG რედაქტორებიდან TinyMCE – სთვის არსებობს შესაბამისი პლაგინი რომელიც იყენებს GeoKBD ბიბლიოთეკას. მისი გადმოწერა შესაძლებელია ამ მისამართიდან. ხოლო ინსტალაციის ინსტრუქცია შეგიძლიათ იხილოთ ამ მისამართზე.

ეს შესაძლებლობა ჯერ არ მუშაობს IE – ში. ეს შესაძლებლობა უკვე მუშაობს IE – ში.


ასევე სკრიპტში რეალიზებულია “~” კლავიშით ქართული კლავიატურის ჩართვისა და გამორთვის მხარდაჭერა. თუმცა ამისათვის “checkbox” ელემენტი არ არის საჭირო(მიუხედავად იმისა რომ მისი მხარდაჭერაც აქვს სკრიპტს)

გარდა ზემოთ ჩამოთვლილი შესაძლებლობებისა სკრიპტს გააჩნია სხვა სასარგებლო დეტალები რომლის შესახებაც შეგიძლია წაკითხოთ შესაბამის “GeoKBD” განყოფილებაში

სკრიპტის უახლესი ვერსიის გადმოწერა შესაძლებელია Google – ს SVN რეპოზიტორიდან

ხოლო მისი მუშა მაგალითი შეგიძლიათ იხილოთ ამ მისამართზე.

]]> http://www.code.ge/posts/geokbd/feed 0 MacBook ჩამომივიდა :) http://www.code.ge/posts/macbook-arived http://www.code.ge/posts/macbook-arived#comments Thu, 29 Mar 2007 12:49:25 +0000 იოსები http://www.code.ge/uncategorized/macbook-arived როგორც იქნა დაადგა საშველი და ჩამომივიდა MacBook :) აი ეს მოდელი შუაში რომ არის მაგ კონფიგურაციით. პირველი შთაბეჭდილებები ძალიან დადებითია, ძალიან მომეწონა როგორც ვიზუალურად ასევე მოხმარების სიმარტივით ძალიან Friendly რამეა… დანარჩენს დრო მანახებს იმედია არ შევცდი :)

]]> http://www.code.ge/posts/macbook-arived/feed 8 XML – შესავალი კურსი http://www.code.ge/posts/xml-%e1%83%a8%e1%83%94%e1%83%a1%e1%83%90%e1%83%95%e1%83%90%e1%83%9a%e1%83%98-%e1%83%99%e1%83%a3%e1%83%a0%e1%83%a1%e1%83%98 http://www.code.ge/posts/xml-%e1%83%a8%e1%83%94%e1%83%a1%e1%83%90%e1%83%95%e1%83%90%e1%83%9a%e1%83%98-%e1%83%99%e1%83%a3%e1%83%a0%e1%83%a1%e1%83%98#comments Sat, 24 Feb 2007 03:14:14 +0000 იოსები http://localhost/wordpress/?p=14 რამდენიმე წლის წინ გიორგი კობერიძესთან ერთად ვთარგმნე ეს მარტივი შესავალი კურსი XML-სთვის რომელსაც ამასწინათ წავაწყდი გუგლში და გადავწყვიტე გაერთიანებული სახით გამომექვეყნებინა აქ…

XML დოკუმენტი უნდა შედგებოდეს ერთი ან მეტი ელემენტისაგან.

1
2
3
4
5
6
7
8
9
10
11
12
13
14
<!-- სწორედ ფორმირებული დოკუმენტები -->

<!-- დოკუმენტი ერთი ელემენტით -->
<text>This is an XML document</text>

<!-- დოკუმენტი რამოდენიმე ელემენტით -->
<text>
   <doctype>This is an XML document</doctype>
</text>

<!-- დოკუმენტები შეცდომებით -->

<!-- XML დოკუმენტი უნდა შეიცავდეს მინიმუმ ერთ ელემენტს -->
??? This is an XML document ???

არსებობს მხოლოდ ერთი ელემენტი, რომელსაც ეწოდება ფესვური ან დოკუმენტის, რომლის არც ერთი ნაწილი არ შედის არც ერთი სხვა ელემენტის შემადგენლობაში.

1
2
3
4
5
6
7
8
9
10
11
<!-- სწორედ ფორმირებული დოკუმენტები -->

<!-- <book> ელემნტი არის ფესვური -->
<book>This is a book</book>

<!-- <list> ელემნტი არის ფესვური -->
<list>
    <item>Item 1</item>
    <item>Item 2</item>
    <item>Item 3</item>
</list>

ელემენტის დამხური ტეგის სახელი უნდა ემთხვეოდეს გამხსნელი ტეგის ელემენტის ტიპს. სახელები მგრძნობიარენი არიან რეგისტრის მიმართ.

1
2
3
4
5
6
7
8
9
<!-- დამხური ტეგი </book> შეესაბამება გამხსნელ ტეგს <book> -->
</book><book>This is a book</book>

<!-- სწორად ფორმირებული დოკუმნეტი, რომელიც შეიცავს 4 განსხვავებულ ელემენტს <list>, <item>, </item><item> და </item><item> -->
<list>
    <item>Car</item>
    <item>Plane</item>
    <item>Train</item>
</list>

თუ გამხსნელი ტეგი იმყოფება რომელიმე ელემენტში, მაშინ დამხური ტეგიც უნდა იმყოფებოდეს იმავე ელემენტში. მარტივად რომ ვთქვათ, ელემენტები, განსაზღვრული გამხსნელი და დამხური ტეგებით, სწორედ უნდა იქნეს განთავსებული ერთმანეთში.

1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
<!-- სწორედ განთავსებული ელემენტები -->
<weight>
     <number>12</number>
     <unit>grams</unit>
</weight>

<!-- სხვა სწორედ ფორმირებული დოკუმენტი -->
<book>
     <chapter>
          <title>Introduction</title>
     </chapter>
     <chapter>
          <title>Story</title>
          <subchapter>
               <title>Part 1</title>
          </subchapter>
          <subchapter>
               <title>Part 2</title>
          </subchapter>
     </chapter>
     <chapter>
          <title>Index</title>
     </chapter>
</book>

<!-- ელემენტი <italic> არასწორედ არის განთავსებული -->
<text>
     <bold><italic>XML</italic></bold>
</text>

ნებისმიერი ელემენტის ბოლო, რომელიც იწყება გამხსნელი ტეგით უნდა იქნას დაბოლოებული დამხური ტეგით, რომლის სახელიც ემთხვევა ელემენტის ტიპს, მითითებულს გამხსნელ ტეგში. გამხსნელ და დამხურ ტეგებს შორის მოთავსებულ ტექსტს ეწოდება ელემენტის შიგთავსი (Content). ელემენტი შიგთავსის გარეშე შეიძლება ჩაიწეროს სპეციალური ფორმით: . დახრილი ხაზი (“/”) > ნიშნის წინ განსაზღვრავს დამხურ ტეგს.

ყოველ ელემენტს უნდა გააჩნდეს დამხური ტეგი ან უნდა იყოს წარმოდგენილი სპეციალური ფორმით. XML – ში არ არის განსხვავება <aaa></aaa> და <aaa /> კონსტრუქციებს შორის

1
2
3
4
5
6
<listoftags>
     <aaa></aaa>
     <bbb></bbb>
     <ccc />
     <ddd />
</listoftags>

ელემენტთა სახელები შეიძლება შეიცავდნენ ალფავიტის სიმბოლოებს, ციფრებს, დეფიზებს („ – “), ხაზგასმის სიმბოლოებს („ _ “), ორ წერტილს („ : “) და წერტილებს („ . “), თუმცა უნდა იწყებოდნენ მხოლოდ ალფავიტის ან ხაზგასმის სიმბოლოთი. ორი წერტილი შეიძლება გამოყენებულ იქნას მხოლოდ განსაკუთრებულ შემთხვევებში, როდესაც იგი ჰყოფს ე.წ. სახელთა სივრცეს (namespace). ელემენტთა სახელები, რომლებიც იწყება “XML” – ით (სიმბოლოთა რეგისტრების ნებისმიერი კომბინაციით), არის დარეზერვებული სტანდარტისათვის, და მათი გამოყენება დაუშვებელია.

1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
<!-- დოკუმენტი დაშვებული სიმბოლოებით -->
<permittednames>
     <name />
     <xsl :copy-of/>
     <a_long_element_name />
     <a .name.separated.with.full.stops/>
     <a123323123 -231-231/>
     <_12 />
</permittednames>

<!-- ეს დოკუმენტი შეიცავს რამოდენიმე შეცდომას -->
<forbiddennames>
     <a ;name/>
     <last @name>
     < @#$%^()%+?=/>
     <a *2/>
     &lt;1ex/>
</last></forbiddennames>

<!-- სახელები არ შეიძლება იწყებოდეს „xml“ - ით -->
<forbiddennames>
     <xmltag />
     <xmltag />
     <xmltag />
     <xmltag />
     <xmltag />
</forbiddennames>

ელემენტი შეიძლება შიეცავდეს არცერთ, ერთ ან რამოდენიმე ატრიბუტს. დაშვებული სიმბოლოები იგივეა რაც ელემენტის სახლებისათვის. ატრიბუტის სახელი გამოიყოფა მისი მნიშვნელობისაგან „ = “ ნიშნით. ატრიბუტის მნიშვნელობა უნდა იყოს მოქცეული აპოსტროფებს შორის ‘…’ ან ორმაგ ბრჭყალებს შორის “…”. თუ აპოსტროფი გვხვდება ატრიბუტის მნიშვნელობაში, მაშინ იგი უნდა მოვაქციოთ ორმაგ ბრჭყალებში, ან პირიქით.

1
2
3
4
5
6
<elements -with-attributes>
     <el _ok = "yes" />
     <one attr = "a value"/>
     <several first="1" second = '2' third= "333"/>
     <apos_quote case1="John's" case2='He said: "Hello, world!"  '/>
</elements>

სიმბოლოები < და & არ შეიძლება გამოყენებულ იქნას ტექსტში, რადგან ისინი გამოიყენება მონიშვნაში (markup). თუ ეს სიმბოლოები აუცილებელია ტექსტში, მაშინ გამოყენებულ უნდა იქნას &lt; ნაცვლად < - სა და &amp; ნაცვლად & - სა.

1
2
3
4
5
6
7
8
9
10
11
12
13
14
15
16
17
18
19
<!-- & - ისა და < - ს ჩანაცვლება -->
<example>
     <islower>
          23 &lt; 46
     </islower>
     <ampersand>
          Willey &amp; sons
     </ampersand>
</example>

< -- სიმბოლოები < და & არ შეიძლება გამოყენებულ იქნას ტექსტში -->
<example>
     <islower>
          23 < 46
    </isLower>
     <ampersand>
          Willey & sons
    </ampersand>
</islower></example>

CDATA სექცია გამოიყენება დოკუმენტის იმ ბლოკების აღნიშვნისათვის, რომლებიც არ უნდა იქნას აღქმული როგორც მონიშვნა (markup). CDATA სექცია იწყება „< ![CDATA[“ სტრიქონით და მთავრდება "]]>” სტრიქონით. CDATA სექცია არ უნდა შეიცავდეს “]]>” სტრიქონს.

1
2
3
4
<!-- CDATA სექცია -->
<example>
     < ![CDATA[ <aaa>bb&cc< <<]]>
</example>

XML დოკუმენტი შეიძლება და უნდა იწყებოდეს XML დეკლარაციით, რომელიც განსაზღვრავს გამოყენებული XML – ის ვერსიას

1
2
3
4
5
6
7
<!-- XML - ის ვერსიის განსაზღვრა -->
< ?xml version="1.0"?>
<text>This document conforms to the XML 1.0 specification.</text>

<!-- კოდირების განსაზღვრა  -->
< ?xml version="1.0" encoding="ISO-8859-2"?>
<text>If encoding is not given UTF-8 is assumed</text>
]]> http://www.code.ge/posts/xml-%e1%83%a8%e1%83%94%e1%83%a1%e1%83%90%e1%83%95%e1%83%90%e1%83%9a%e1%83%98-%e1%83%99%e1%83%a3%e1%83%a0%e1%83%a1%e1%83%98/feed 2 ბლოგის შესახებ http://www.code.ge/posts/about http://www.code.ge/posts/about#comments Fri, 16 Feb 2007 20:32:56 +0000 იოსები http://www.code.ge/about/ თქვენს წინ არსებული ბლოგი განკუთვნილია ნებისმიერი ადამიანისათვის ვინც დაინტერესებულია სხვადასხვა ტექნოლოგიებითა და პროგრამირების ენებით.

ბლოგი მოიცავს ჩემს მიერ სხვადასხვა დროს დაწერილ სტატიებსა და სხვა ჩანაწერებს გარკვეული ტექნოლოგიების შესახებ. ბლოგში გამოყენებული ნებისმიერი პროგრამის კოდის გამოყენება შეგიძლიათ თავისუფლად ნებისმიერი მიზნებისთვის, თუმცა რაც შეეხება ტექსტებს მათი გამოყენება ავტორის უშუალო ნებართვისა და მისი საავტორო უფლებების დაცვის გარეშე ყოვლად დაუშვებელია.

]]> http://www.code.ge/posts/about/feed 0